《寧毀不銹─馬偕e5故事》

 | | | 轉寄

回首來時路

作者 曹永洋 2009.06.21

泰戈爾有chi̍t句話值得hō͘人思考：「真理是tùi 錯誤ê縫內底漏洩..出來..e。」


聽講史懷哲bat hō͘無知ê非洲病患氣kah chhèng煙，有chi̍tpái擋bōetiâu起性地kā聽診器丟tī土腳，kám講偉人就無情感?chit種ê史懷哲 kám無kohkhah親近真實？馬偕ê門徒吳寬裕，聽tio̍h恩師馬偕行完57歲ê俗世旅程，1901年6月初2 hit工，伊寫..落來chit篇頌詩，全文真情流露，lóng無虛情假意， ē tàng講是馬偕it生樸實動人ê寫照。


追念恩師偕叡理（用河洛話讀） 門徒：吳寬裕


一、第it翰才偕叡理 初學土音白話字 新舊聖經lóng總會 教人天理識天父


二、開析道理意思深 男女明白感激心 聲音高低行照甲 舉手合音手the̍h踏


三、吟詩歡喜合手拍 所傳迫切盡力搭 講起悽慘面青紅 用主模樣勉勵人


四、有時威嚴ài利益 Hō͘人關心學道德 常常苦勸兼責備 盡情安慰賢教示


五、天將夫子為木擇 Hō͘人心門知降服 初來到taⁿ 30年 報人道理無歇時


六、外貌顯出好情意 歡喜做主ê tāichì情 親像保羅我深知 是ài學生重頭生


七、平生為人心4正 教會世俗人人敬 耶穌道理其務傳 無靠勢頭來用權


八、公道憐憫款待人 所行仁愛kap主同 交陪朋友內外好 忠信和平thang oló


九、oló先生偕歡理 克已待人若家己 盡力干證愛救主 伊khiā世間目瞬久


十、割屍兼醫其貫中 天文地chhap曉算 這是真正大知識 已經升天今明白



十一、嗚呼哀哉盡忠死 死忽然同伴今分離 實在是咱無福氣 無koh再得tio̍h伊教示


十二、先生享壽50外 道理名聲不止闊 今作幾句知心詩 時時想tio̍h紀念伊


世間siong無數ê凡夫俗子，lóng是仝款照tio̍h破病老死ê過程行向人生ê終點，了後kap草木仝款爛去。


只有chió數人因為in ê志業kap精神，思想層面投下ê影響，ē tàng超越肉體ê腐朽，tī死亡ê起點開始重生，馬偕應該是屬tī chit類少數ê人傑。 無論khǹg tī屬靈ê神工、宣教師、教育家kap醫療ê奠基kap開拓頂面來講，伊lóng bōe消逝。


Chitê 10歲tī加拿大聽tio̍h英國宣教師賓威廉ê演講，就tī心肝底播下日後beh到海外從事宣教工作，kui世人忠誠事主ê少年，果然 chi̍t步chi̍t步實現家己ê許諾，tī台灣留..落..來hō͘人永遠感念ê志業。


1百2十gōa年前，坐船來東方福爾摩沙ê青年，伊所承受ê試煉，相信任 何chi̍tê文字工作者，m̄管ánchoaⁿ用心mā真pháiⁿ寫出馬偕心路歷程ê萬分之it。


好佳哉實踐者ê行為，並無需要文字來sî'ágeh，mā m̄免用有形ê碑文去表現，我想kohkhah àn怎to無比卜約翰福音12章24節ê經文kohkhah hō͘人感動ê啟示：

「一粒麥子，若無落tī土nih死去，iáu是一粒，若是死..去，就結出真chē粒來。」


馬偕博士留..落..來ê種籽，早to̍h開花結果，我知影撰寫chit本傳記，m̄是beh頌揚伊，因為伊是神ê好僕人，伊m̄免由我來頌揚，我ê文字mā bōetàng為伊增加chi̍t分光榮。


我kanta想beh hō͘生活tī chitê塊土地ê人，知影有chi̍tê人，遠tùi加拿大牛津郡左拉村飄洋過海，tī淡水住..落..來，用30年精壯ê歲月，付出伊ê汗水，kā「信、望、愛」做活活ê印證。


馬偕是神ê好僕人，我記錄ê無夠伊所做ê萬分之it，伊當年tī台灣各種庄頭播下屬靈ê種子，百gōa年了後已經開花結果。


馬偕博士tī地上ê日子，無到60年，tī台灣工作ê時光，扣除2pái 回鄉ê日子mā無到30年，m̄ koh伊留..落..來ê志業kap影響soah真遠。


德蕾莎修女講：「愛ê相對m̄是恨，是冷漠。」教宗若望保祿jī世指出:「無愛，人bē tàng生活，伊會成做chi̍tê無瞭解家己ê人。」


[箴言]4章23節有講：「i̍t生ê呆效，是由心發出。」當it切long平靜..落..來，無邊ê沈默照tī馬偕墓園ê時 chūn，chit位上帝ê忠僕，已經用伊豐富ê生命，透過實踐詮釋信、望、愛ê真諦。伊安息tī淡水ê馬偕墓園。Chia是伊熟識ê詩美 麗ê家鄉，由墓園來到淡中校門前ê真理街，ē tàng遠眺秀麗ê觀音山，日頭爬..起..來、日頭落山ê淡江、山麓ê農家，浪濤沖洗過 ê繫船場‥‥。