《台語kah魔術》

 | | | 轉寄

情人節0707

作者 蘇晏德 2026.08.16

情人節(台語文)
Chêngjîncheh

七月初七情人節
Chhitgoe̍h chhechhit Chêngjîncheh
甜言蜜語有夠濟
Tiⁿgiânbi̍tgí ūkàu chē
情話綿綿講規瞑
Chêngōe mîmî kóng kuimê
今生只愛你一个
Kimseng chí ài lí chi̍tê

七月初七的暗暝
Chhitgoe̍h chhechhit ê àmmî
攑頭仰望看天星
Gia̍hthâu gióngbōng khòaⁿ thiⁿchhiⁿ
恩愛情人譜情詩
Unài chêngjîn phó͘ chêngsi
孤單男女心稀微
Ko͘toaⁿ lâmlú sim hibî

七月初七來約會
Chhitgoe̍h chhechhit lâi iokhōe
雙人牽手行做伙
Sianglâng khanchhiú kiâⁿ chòhóe
糖甘蜜甜訴情話
Thn̂gkam bi̍ttiⁿ sò͘ chêngōe
男女相約來賞花
Lâmlú siongiok lâi siúⁿhoe

七月初七會情人
Chhitgoe̍h chhechhit hōe chêngjîn
期待促成好婚姻
Kîthāi chhioksêng hó hunin
山盟海誓愛守信
Sanbêng háisè ài siúsìn
共渡良宵好落眠
Kiōngtō͘ liôngsiau hó lo̍hbîn