《押韻啟應詩篇》

 | | | 轉寄

台語押韻啟應詩篇 101

作者 Tīⁿ Jîgio̍k 2008.01.21

101　　Tāipi̍t ê si.

1a　Góa beh chhiùⁿ chûài kap kongpêng ê koa;
　　我 要 唱 慈 愛 及 公 平 的 歌；

1b　　　Iâhôhoa ah, góa beh ǹg Lí chhiùⁿ o ló ê koa.
　　　　耶 和 華 啊，我 要 向 你 唱 讚 美 的 歌。

2a　Góa beh ēng tìhūi kiâⁿ tī oânchoân ê lō͘ ;
　　我 要 用 智 慧 行 在 完 全 的 路；

2b　　　Lí beh siáⁿsî kàu góa chia khòaⁿkò͘ ?
　　　　你 要 甚 時 到 我 此 看 顧？
　　　　Góa beh ēng chhengkhì ê sim kiâⁿ tī góa chhùlāi ê tōepho͘. 　　
　　　　我 要 用 清 氣 的 心 行 在 我 厝 內 的 地 鋪。

3a　Siâphiah ê sū , góa lóng m̄ pâi tī góa ê ba̍kchêng;
　　邪 僻 的 事，我 攏 不 排 在 我 的 目 前；

3b　　　Pōetō ê lâng só͘ chòe ê sū, góa chin oànhūn in ê putchèng,
　　　　背 道 的 人 所 做 的 事，我 真 怨 恨 伊 的 不 正，
　　　　m̄ hō͘ i liâm tio̍h góa ê hengchêng.
　　　　不 讓 他 黏 著 我 的 胸 前。

4a　Oankhiau ê sim tekkhak hō͘ i līkhui góa;
　　彎 曲 的 心 的 確 使 它 離 開 我；

4b　　　It chhè ê pháiⁿ góa m̄ bat i jōa tōa.
　　　　一 切 的 歹 我 不 識 它 偌 大。

5a　Àmtiong húipòng i ê chhùpiⁿê ,
　　暗 中 毀 謗 他的 厝 邊 者，

5b　　　Góa beh bia̍t i ;
　　　　我 要 滅 他；

5c　Ba̍kchiukho͘ tōaê , sim kiaungō͘ê ,
　　目 珠 眶 大 的，心 驕 傲 的，

5d　　　Góa bô iôngún i .
　　　　我 無 容 允 他。

6a　Góa ê ba̍kchiu beh khòaⁿ koklāi sêngsi̍tê ,
　　我 的 目 珠 要 看 國 內 誠 實 者，

6b　　　Hō͘ in kap góa saⁿkap tòa;
　　　　使 伊 與 我 相 與 住；

6c　　Kiâⁿ tī oânchoân ê lō͘ê ,
　　行 在 完 全 的 路 的，

6d　　　I beh ho̍ksāi góa.
　　　　他 要 服 侍 我。

7a　Kiâⁿ khúichà ê lâng,
　　行 詭 詐 的 人，

7b　　　Bōetitthang chē góa ê kelāi siū chunkèng,
　　　　不 得 通 坐 我 的 家 內 受 尊 敬，

7c　Kóng pe̍hchha̍tōe ê lâng, 　　
　　講 白 賊 話 的 人，

7d　　　Bōetitthang khiātiâu tī góa ê ba̍kchiuchêng.
　　　　不 得 通 khiā 住 在 我 的 目 珠 前。

8a　Ta̍k chákhí góa beh bia̍tbô koklāi ê pháiⁿlâng;
　　逐 早 起 我 要 滅 亡 國 內 的 歹 人；

8b　　　Thang chiong itchhè chòepháiⁿ ê lâng,
　　　　通 將 一 切 做 歹 的 人，
　　　　tùi Iâhôhoa ê siâⁿ tûkhì, kàu khangkhang.
　　　　對 耶 和 華 的 城 除 去，到 空 空 。