《現代台語新約聖經 讀經日記》

 | | | 轉寄

讀經筆記20　「短視」m̄是台語　　　

作者 李南衡 2015.12.27

讀經版本：羅馬字版《現代台語譯本新約聖經》，2007，台北：台灣聖經公會
進　　度：彼得後書第一章

第5節後半：hō͘ lín ū sìnsim koh ū tekhēng, ū tekhēng koh ū tìsek. 讀起來那像是一項koh加一項平平排佇hia。《巴克禮》：「tī lín ê信加添好德，tī好德加添知識。」《和合本》：「有了信心，又要加上德行；有了德行，又要加上知識；」《現代中文》：「在信心上加上美德，美德加上知識。」BBE:“joining virtue to faith, and kn owledge to virtue,”四本譯本攏那像是一項koh一項加添起去的。M̄ kò《紅皮》：「用德行來加強恁ê信心，用知識加強恁ê德行。」《全民》：「用德行來加添lin ê信心；用智識來加添lin ê德行。」兩本譯本的意思khah 相siâng，但是kah前á四本譯本的意思那像抵抵顛倒反。

第6節、第7節，仝款的情形：Ū tìsek koh ū chiatchè,uchiat7chè koh ū jímnāi, uj7im2nāi koh ū kèngkhiân, ū kèngkhiân koh ū chhiuchiokchichêng, ū chhiúchiokchichêng koh ū jînài. 《巴克禮》：「tī知識加添樽節，tī樽節加添吞忍，tī吞忍加添敬虔，tī敬虔加添疼兄弟，tī疼兄弟加添疼眾人。」《和合本》：「有了知識，又要加上節制；有了節制，又要加上忍耐；有了忍耐，又要加上虔敬；有了虔敬，又要加上愛弟兄的心；有了愛弟兄的心，又要加上愛眾人的心。」《現代中文》：「知識加上節制，節制加上忍耐，忍耐加上敬虔，敬虔加上弟兄的愛，弟兄的愛加上博愛。」

BBE：“And selfcontrol to knowledge, and a quiet mind to selfcontrol, and fear of God to a quiet mind, and love of the brothers to fear of God, and to love of the brothers, love itself.”四本譯本的意思khah 相siâng。M̄ kò《紅皮》：「用節制來加強恁ê知識；用堅忍來加強恁ê節制；用虔誠來加強恁ê堅忍；用同胞愛來加強恁ê虔誠；用愛心來加強恁ê同胞愛。」《全民》：「用撙節來加添智識；用忍耐來加添撙節；用敬虔來加添忍耐；用手足之情來加添敬虔；用疼心來加添手足之情。」兩本譯本的意思khah接近。到底tó一種譯本khah倚原文的意思？

阮m̄是聖經學者、mā m̄ bat希臘文，向望bat的人kā阮釋疑指點。 第9節中：sī toánsī, sī sitbêng, toánsī漢字寫作「短視」，「短視」m̄是台語。《巴克禮》：「只有看近近，就是chhiⁿmî。」《紅皮》：「就是近視無看見，」《全民》：「就是近視á是chheⁿmê，」阮認為譯了無真好，「近視」雖然有「眼光看無遠」的意思，總是一般講話是特別指近視眼，恐驚會hông誤會。所以阮認為猶原《巴克禮》譯作「看近近」譯了上好。

第14節：Hō͘ góa chai bô kú chiū ōe thoatlī chitê ōe húpāi ê sengkhu. 簡單講是：我知無偌久我就會死去。“ōe húpāi ê”那像是加講的。《巴克禮》：「家己知拆我ê布棚ê時近lah，」《和合本》：「因為知道我脫離這帳棚的時候快到了，」相信原文是kā身軀比作布棚。《現代中文》：「我知道，我不久會脫離這必朽的軀體。」加兩字「必朽」mā是加講的。《全民》：「我家己知我離開世間ê日子已經teh beh到。」我認為BBE譯了上好：“For I am conscious that in a short time I will have to put off this tent of flesh,”講「肉體的布棚」就是講「身軀」。　　(150808)