《台灣之愛：盧俊義牧會筆記》

 | | | 轉寄

一位值得懷念ê台灣人──黃彰輝牧師

作者 盧俊義 2006.01.15

第一pái tú tio̍h黃彰輝牧師（大家lóng稱呼伊為「Shio`Ki Coe」），是tī一九八○年ê新年過年了後，我被英國歸正教會安排到in tau去作客，後來就因救援美麗島事件而常有機會tī倫敦相會。

黃彰輝牧師是一九一四年tī彰化出世，tùi伊ê名字就ē tàng看出in父親（黃俟命牧師）為伊號chitê名，就是beh伊彰顯彰化人ê光輝之意。

年輕ê時ùi台北高等學校畢業，然後赴日本東京帝國大學就讀哲學，tī一九三八年九月，進入英國劍橋大學研讀神學。伊是台灣人進入劍橋研讀神學ê第一人，並tī一九四一年畢業了後，隨時被英國蘇格蘭長老教會任命為傳道者。

一九四七年，當伊聽tio̍h台灣竟然會發生「二二八大屠殺事件」，毅然決然辭去tī英國ê工作，帶tio̍h英國籍ê bó͘蘇慰爾（Winifrod Sounder）kap年紀kantaⁿ一歲gōa ê長男大衛（David），tī當年八月搭船tńg去台灣，並tī長榮中學執教。

一九四八年二月，當伊受邀tī斗六為台灣長老教會南部大會舉辦ê青年大會中演講時，講了一句振奮當時群聚一堂ê長老教會青年ê話，伊講︰「合一，咱能生存；分開，咱會滅亡﹗」（United, we stand；Divided, we fall﹗）也因為chit句話，hō͘當時原本分成南、北二區ê長老教會青年結合起來，tī一九四九年五月三日組成了「台灣教會青年團契」（簡稱做「TKC」），並因此促成長老教會tī一九五一年決定合為一體，這也是台灣基督長老教會總會成立ê背景。Á kohkhah重要ê是，為hō͘台灣基督長老教會kap世界ê基督教會接軌，就tī總會成立ê時chūn，伊隨時帶領台灣基督長老教會申請加入全世界最大ê教會組織──普世基督教會協會（World Council of Churches）。

一九四九年，黃牧師接掌台南神學院，伊hō͘大戰期間原被日本政府關閉而荒廢多年ê台南神學院，不出二十年時間，就hō͘該院成做東南亞地區首屈一指ê神學教育機構，並hō͘當時tī台灣ê信義會、衛理公會、聖公會等三個教派將各自所屬ê神學院併入台南神學院，同時擁有真chē tùi亞洲各地來ê留學生，而且院內有tùi上述三個宗派來ê神學家參與教學ê工作，大家同齊合作推展「教會合一」運動。

黃牧師是一個相當有遠見ê教育工作者，認為台灣需要有一所以基督教信仰建立ê大學教育機構來栽培社會菁英、造福社會。因此，tī伊努力之下，爭取tio̍h「基督教大學聯合基金會」眾董事ê同意，由台灣基督長老教會向該基金會提出申請tī台灣設置基督教大學，並且為tio̍h hō͘ hit間學校m̄是單屬tī長老教會所創辦，tī董事會中kantaⁿ派三名代表，其餘董事名額則由其他宗派推出共同組成，這就是東海大學創辦ê由來。

一九六五年六月，台灣基督長老教會慶祝設教一百週年紀念活動了後，伊將台南神學院ê教育工作交hō͘宋泉盛牧師接任，轉往設tī倫敦ê普世基督教會協會ê神學教育基金會擔任總幹事。伊tī任內最出名、也是被世界神學界津津樂道，而且影響非洲、中南美洲等地神學觀念非常深ê一個主張──「實況化」神學，意思就是神學必須kap當地ê社會實況相結合。當時擔任伊副手ê就是tī一九八四年得tio̍h諾貝爾kap平獎ê南非大主教杜圖，這也就是為甚麼tī美麗島事件發生了後，杜圖大主教表示相當高度關懷，並且積極參與各項救援工作，原來是有黃彰輝牧師ê請託之故。

一九七一年十二月廿九日，當台灣基督長老教會有看tio̍h國家tī聯合國ê地位岌岌可危，發表了「國是聲明」，清楚表示台灣人民chiah有權決定家己國家前途ê權利。因此聲明，黃彰輝牧師隨時邀請當時tī美國ê黃武東牧師、瑞士ê宋泉盛牧師、加拿大ê林宗義博士等四人，tī一九七二年十二月廿五日發表「海外台灣人基督徒自決運動」，以響應長老教會ê「國是聲明」，真緊，chit項「自決運動」隨時tī次年（七三）三月二十日就成做「全世界海外台灣人自決運動」，無koh是只有台灣人基督徒ê心願，卻是全世界所有台灣人ê共同心聲，強烈表達台灣人民有決定家己國家前途ê權利，這是台灣人民ê基本人權，不容國民黨政權或是任何世界強權宰割、剝奪。

一九八七年七月，tī真chē相關人士ê奔波下，伊終於得tio̍h特許 ńg來到這離別廿三年之久ê台灣故鄉，次年十月因癌症而逝世於英國居所，享年七十四歲。

黃彰輝牧師一生ê時間，就是貢獻hō͘神學教育，m̄ nā tī台灣，也tī世界神學教育機構。伊也同時透過神學教育啟蒙台灣長老教會ê傳道者kap信徒，必須用信仰良知關懷國家、社會前途。就tī今年伊九十歲冥誕ê時，謹以此文紀念伊，也深深期待咱台灣ē tàng有jú來jú chē像伊chit種ê教育家、傳道者，若ánne，he就是咱國家、社會之福。 （原載於自由時報2004年10月17日第15頁）

盧俊義牧師的個人網站。