《台灣之愛：盧俊義牧會筆記》

| | | 轉寄

誠實，建構生命尊嚴ê第一步

作者 盧俊義 2006.06.04

有一位tùi台灣移民到奧地利ê姊妹，tī一個小鎮開了一間餐館，生理相當bē bái。有一工chit位姊妹到維也納去辦tāichì，因為延誤一kóa時間，趕到車頭，看tio̍h車tú beh開出就緊跳上車，車開出，這時伊chiah發覺車內ê設備、裝飾都kap伊平時搭ê車之款式無仝款，壞ah，原來伊是坐tio̍h國際線快車，這班車beh一直駛到奧、匈邊界檢查站chiah會停落來。伊khiā起ê地方是tī維也納附近ê一個小鎮，而且hit工下晡，餐館有人訂了三桌宴客ê酒席，伊若無tńg去掌廚料理，不但ài賠償，以後生理一定會受tio̍h嚴重影響。伊非常tio̍h急，koh m̄知該怎樣辦chiah好。就tī這時，tú好車長來，這位姊妹流tio̍h目屎kā車長講，講厝裡有一個年紀chiah 2歲2個月ê查某kiáⁿ teh等伊tńg去。伊因為siuⁿ青狂soah無注意，chiah坐m tio̍h車。車長聽了驚一下，gōnggia̍h伊厝裡有ánne細漢ê幼兒，怎樣ē tàng無大人照顧就外出？這是嚴重違法ê事。伊講厝裡iáu有一個年紀已經13歲ê後生，另一個後生是9歲，但是in m̄知怎樣準備小妹ê食物。伊一面講、一面háu。車廂裡真chē旅客聽tio̍h這位姊妹kap車長ê對話，真chē旅客站出來替這位姊妹向列車長講情，請列車長趕緊想辦法，thang hō͘這位女士會趕tńg去厝裡。

Tùi ánne這位車長隨時安慰伊，講beh想辦法看怎樣幫贊伊。

車長趕緊去前頭chhōe駕駛。車廂中kúinā位外籍女士過來安慰一直tī teh哭ê這位「糊塗媽媽」。大約過了十多分鐘，車長行真緊而且帶tio̍h笑容來chhōe伊，要伊趕緊the̍h tio̍h所有ê物件跟tòe伊。因為tī下一個小小車站，列車將會特別停車hō͘伊落去，siâng時有另一部beh tńg去維也納去ê國際線列車，也會臨時停靠tī he小站等伊、要接伊回去維也納換車。車廂ê旅客聽了lóng phahphok'á叫好，講車長做了真好，也有真chē人趕緊來安慰這位姊妹，ài伊免緊張。

就ánne，差不多3分鐘後，這班國際線快車tī一個小站暫停，hō͘伊落車，車頭ê人趕緊chhōa伊換上另一班已停好、teh等beh載伊回維也納去ê列車，thang hō͘伊會趕tńg去家己khiā起ê小鎮去照顧gín'á。

其實，伊m̄是beh tńg去飼gín'á，因為伊無chiahnih細漢ê gín'á，伊ê ê gín'á都已經讀中學了，伊是beh tńg去辦桌做生理ê﹗

這位姊妹kā我講hit遍ê際遇了後，家己紅tio̍h目kho͘對我講︰「牧師，我知影家己the講白chhat，但in卻是hiah ni̍h信任我、相信我，害我見笑到極。我無因為家己騙過in來感覺歡喜，顛tńg因為hit遍ê經驗，我一直感覺家己是一個罪惡真深ê人。經過hit件tāichì，我m̄敢koh欺騙別人，我知影he是真羞辱別人ê事。也因為這件事，hō͘我深深感受tio̍h家己實在真『見笑』﹗」

我聽了後也真受感動，因為伊知影家己錯了﹗想tio̍h歐洲尤其是北歐ê社會，會有hit種ê安寧，尤其是瑞士、瑞典、挪威、芬蘭等國，一再hō͘聯合國評鑑為全世界最適合人住ê環境，特別是瑞士，就是因為大家lóng知影誠實ê可貴，chiah會發展出這種彼此互相信任ê心。也因為ánni，人chiah會感受tio̍h生命存在ê價值kap可貴。

Tī chiahê國家坐公車、電車等市區大眾交通工具，lóng無人會看你、á問你是m̄是有買車票，大家lóng主動tī設置於每一個車牌邊ê售票機買車票，車一到站就家己上、落車，每張車票lóng會phah出使用時效，司機只要專心駛車，伊ê職責就是負責開車安全，其他ê tāichì旅客家己來。In認為每一個人lóng是好人，lóng是誠實ê人。除非人證明家己是pháiⁿ人，若無，無人會受懷疑。奧地利ánne，北歐ê國家lóng是ánne，只要是人，就會受信任kap尊重﹗

但是，大家lóng知影beh得tio̍h別人尊重，第一個要件就是先會曉絕對誠實，一個不誠實ê人，就是teh踐踏家己生命ê尊嚴。這種人bē有人信任伊，因為這種人會踐踏家己，也就會欺騙別人。Tī chiahê國家，in教導gín'á一個生命法則︰「第一條，生命是上帝用伊ê形象創造ê。第二條，生命是用誠實建造起來ê。」In也kā gín'á講︰「一個人若無誠實，等於失去一半ê生命。一個會欺騙人ê人，就是teh撕毀家己ê生命，也等於是teh污辱上帝創造ê形象，bē得tio̍h上帝ê祝福。」

（原刊tī自由時報2004年7月18日第15頁）

盧俊義牧師的個人網站。