《巫義淵台語常用字》

 | | | 轉寄

常用字_18....「要」

作者 巫義淵 2012.04.01

要 iau 有三个讀音：1.iau (妖) 2.iàu (要) 3.beh (欲)。ㄧㄠ

(1).iau：
【要】[iau](1).約束，定約。例：要約。(2).苦勸，懇求。例：要求。(3).威脅。例：要脅。(4).腰ê本字。
【要求】[iaukiû]＝請求[chhéngkiû]ê意思。
【要脅】[iauhia̍p ]利用權勢強迫人順從。抑是掠人ê弱點來強叫人順從。
【要盟】[iaubêng ]用勢力來強迫人簽訂盟約。
【要保人】[iau pó jîn ]「applicant」對保險標具有保險利益，佮保險人訂立契約，並負有交付保險費義務ê人。為家己訂立保險契約者，要保人佮被保險人是共一人；為別人訂立保險契約者，要保人佮被保險人無仝。

(2).iàu：
【要】[iàu ]欠缺，重點。
【要緊】[iàu kín ](1).重要、緊急。(2).需要、謹慎。
【要人】[iàujîn]受重視ê主要人物。或有權勢ê主要人物。
【要害】[iàuhāi]重要ê處所部位。人體中會傷及生命ê所在。
【要塞】[iàusài]一定愛固守ê險要所在。
【要領】[iàuléng]處事辦事主要ê綱領。要素[iàusò͘]事物主要ê成分。
【要塞地帶 iàusài tē tài】軍事要地，平時不准閒人進入，亦禁止畫圖翕相。
【要言不煩 iàugiân puthoân】言論扼要而不囉嗦。

(3).beh：借義。
【要】[beh]不ê對反。欠用，需求。註：要、欲、beh、通用。
【要到仔】[behkàuà]＝華語(快到了)。
【要暗仔】[behàm'á]＝華語(傍晚)。
【要抑不】[behahm̄]＝華語(要還是不要)。
【要怎樣】[behcháiⁿiūⁿ]＝華語(怎麼辦，或問人要作甚麼)。
【要死要活】[behsíbehoa̍h]吵鬧ê意思。