《當上帝開嘴講台語》

 | | | 轉寄

「信息傳達」方面ê語感測驗

作者 梁淑慧 2009.03.29

因為「信息傳達」方面大部分牽涉tio̍h神學上對釋經學ê無仝見解，爭議性khah大，mā m̄是研究者能力所及ê範圍，所以阮將重點囥tī譯本ê表達方式，看toh一種譯本會tàng達到hō͘讀者好瞭解而且感受tio̍h「本土化」ê目標。題目lóng取材tùi翁修恭牧師（2001、2002）〈現代台語譯本用詞介紹〉系列ê文章所提起ê經文。

表5.3.1.4a 無仝背景ê讀者對《巴克禮譯本》ê「信息傳達」接受度以及χ2 檢定【省略，敬請有興趣ê人參考原冊】

Tùi表5.3.1.4a咱知 「年齡」、「聽台語講道時間ê長短」以及「kám有捷看《巴克禮譯本》抑是《台語漢字本》」chit三項變數對於《巴克禮譯本》ê「信息傳達」接受度有顯著ê影響。Tùi各分項調整後ê殘差顯示：「年齡」tī 18歲到25歲ê人，對《巴克禮譯本》ê「信息傳達」接受度顯著有khah kē；41歲到60歲ê人，對《巴克禮譯本》ê「信息傳達」接受度顯著有khah koân。「聽台語講道ê時間」tī半年以下者，對《巴克禮譯本》ê「信息傳達」接受度顯著有khah kē；超過10年以上者，對《巴克禮譯本》ê「信息傳達」接受度顯著有khah koân。「無捷看《巴克禮譯本》抑是《台語漢字本》」者，對《巴克禮譯本》ê「信息傳達」接受度顯著有khah kē；「捷看《巴克禮譯本》抑是《台語漢字本》」者，對《巴克禮譯本》ê「信息傳達」接受度顯著有khah koân。

Tī「信息傳達」語感測驗中ê答題情形如下：

表5.3.1.4b 「信息傳達」語感測驗ê題目kap答案統計

＃ 題目選擇人次佔總人數﹪
1.（1）Bo̍htit為著明仔日掛慮，因為hit個明仔日伊beh家己掛慮；一日ê艱苦tī一日夠額。 ※1 98.12
（2）M̄通煩惱明仔載ê代誌，明仔載猶有另外ê代誌通煩惱。一日ê困難，hit日來擔當就有夠額。 12352.56
（3）M̄通為著明仔日掛慮，明仔日ê代誌明仔日才掛慮。一日ê艱苦一日當。 93 39.74
2.你ê一支手抑是一支腳若hō͘你犯罪，著斬hiat掉。
（1）你破相， 抑是跛腳，入tī活是好，卡得二手二腳hiat落永遠ê火。 ※187.69
（2）你寧可著欠一支手抑是欠一支腳來進入永生，比雙手雙腳好好落去永遠ê火khah贏！ 11247.86
（3）你寧可一腳一手入永遠活，比有雙腳雙手hiat落永遠ê火khah好！ 10645.30
3.我聽見有一ê聲用希伯來ê腔口對我講：
（1）「掃羅！掃羅！你啥事窘逐【khúntio̍k】我？你用腳踢莿是艱苦！」 ※3816.24
（2）「掃羅！掃羅！你按怎kā我迫害？你按呢做tú親像牛去踢主人有刺ê棍仔，是家己teh傷害家己。」 11950.85
（3）「掃羅！掃羅！你是按怎kā我迫害？你實在真戇，你tú親像牛牨beh滾開牛擔，用腳踢刺，家己討皮痛。8134.62
4.M̄通為著恁ê生命掛慮beh食甚麼，beh lim甚麼，也m̄通為著恁ê身軀掛慮beh穿甚麼。
（1）恁ê生命kiám無卡大tī米糧？也恁ê身軀kiám無卡大tī衣裳【ichiûⁿ】嗎？ ※198.12
（2）恁ê生命kám m̄是比食物【chia̍hmi̍h】khah有價值，身軀kám m̄是比衫褲khah有價值？ 13155.98
（3）生命kiám m̄是比食物【chia̍hmi̍h】 khah重要？身軀kiám m̄是比衣服【iho̍k】khah重要？8938.03
5.In kā伊反對，kā伊侮辱ê時，保羅就pōaⁿ伊ê衫ê土粉抗議，對in講：
（1）「恁ê血歸tī恁，無我ê關係。」 ※3414.53
（2）「恁若滅亡，恁家己著愛負責！無我ê責任！」 8737.18
（3）「恁家己beh討死，無我ê代誌！」12352.56


表5.3.1.4b各題ê選項（1）是《巴克禮譯本》，（2）是「紅皮聖經」，（3）是《現代台語譯本》。tùi統計數字看來，受訪者對「紅皮聖經」ê接受度siōng koân。咱tī 4.4節bat講tio̍h「紅皮聖經」ê語言風格是三個譯本中siōng淺白、通俗ê，所以khiā tī題目所要求ê「請選出你認為khah親切好瞭解，khah會tàng融入台灣文化ê一種翻譯」ê角度來選擇，「紅皮聖經」自然是siōng符合ê。M̄ koh4.4節mā講tio̍h「siōng通俗ê《聖經》譯本無一定是siōng受歡迎ê譯本」，若是咱將題目ê要求改做「請選出你心目中認為siōng理想ê《聖經》譯本」，m̄知影結果會有改變無？