《Kahui ê Tâi-bûn Phû-tô-hn̂g》 |
 |
 |
|
 轉寄 |
越南姊姊予我ê啟發
作者 Ko Kahui 2020.09.13
Tī kinnî 5goe̍h khì Sêngtāi chhamka Tâioân Lômájīhia̍phōe pān ê Lômájī bûnhòa cheh.Góa khe̍h tio̍h tē 2 miâ, chin hoaⁿhí ! lēnggōa kohtú tio̍h 1 hāng ê tāichì, ta̍tti̍t lán lâi sukhó kap thámthó. Hit kang ê Pe̍hōejī písài sī nāujia̍t kúnkún, ū bōe chió gín'á mā lâi chhamka, siōng sèhàn ê chiah koksió 1 nî niâ! che sī chiâⁿ hó ê tāichì. Tâigí bógí nā beh thn̂gthòaⁿlo̍hkhì, beh chi̍t tāi thoânkòe chi̍t tāi, ū siàuliânlâng kap gín'á khéng ha̍ksi̍p sī kài iàukínê. Lán ê Tâigí sī chiok súi ê gígiân, sī lán ê pópòe, Te̍ko͘lân nā bô ìsek tio̍h, chinchiàⁿ ē hāi tio̍h āu chi̍t tāi neh!
Kóng kàu chia, góa sòalo̍hlâi beh kap lín hunhióng Lômájī ê tiōngiàu sèng. Lômájī tio̍͘hsīabc, choân sèkài chhiaukòe chi̍t pòaⁿ ê lâng lóng teh súiōng.Tī lán Tâioân siōng tiòngiàu ê Lômájīchusán tōsī súiōng le̍ksú chhiaukòe 150 nî ê Pe̍hōejī, Pe̍hōejī sī póchhûn Tâioân le̍ksú kap bûnhòa ū ê bûnjī kap bûnhiàn. Siāngsî mā sī ha̍ksi̍p sèkài kokkok ê gígian ê kichhó͘.
Tâigí písài liáuāu, góa chia̍h pn̄g liáu tō sûi khí chē hóechhia tǹgkhì Kohiông. Tī hóechhia lāi, góa lóng teh koaⁿchhat ta̍k ê. Ē kìtit chē beh kàu Chóiâⁿ ê sî, ū chi̍t êkhòaⁿkhìlâi sêng Tanglâma lâng ê aché chē tī góa ê kehpiah . Góa khòaⁿ tio̍h i iōng chhiúki'á teh khòaⁿ bûnchiuⁿ, góa chimchiok kā khòaⁿ! Goânlâi sī Oa̍tlâm ê sinbûn.
Góa khui chhùi iōng Hôagí mn̄g kóng,aché góa kám ē tàng liām lí teh khòaⁿ ê bûnchiuⁿ hō͘ lí thiaⁿ? I kóng hó ah! Góa tō khaisí liām, liāmliáu i kóng, lí ná ē hiahnī līhāi, lí kám chinchiàⁿ bōehiáu Oa̍tlâmōe? Ánne khòaⁿ kòe tō ū hoattō͘ liām chhutlâi. Góa kā kóng góa ū o̍h kòe Tâigí Lômájī, suibóng góa m̄ chai sī siáⁿmi̍h ìsú,chóngsī góa chi̍t khòaⁿ tō ē hiáu liām ah! Chin sînkî hō͘ⁿ~~~
Só͘pái chit ê kenggiām kā lán kóng, o̍h Lômájī tekkhak ū chin che līek (hóchhù), ē tàng pangchān lán ha̍ksi̍p sèkài gígiân, hongpiānkap lâng pôaⁿnóa, m̄ nā piàⁿ kengchè, mā thang ha̍ksi̍p sèkài bûnbêng.
