《蘇老師 ê 台語教室》

 | | | 轉寄

拜拜

作者 葉貞伶 2024.03.24

拜拜 葉貞伶
做查囡仔tòatī chhùlí ê時，我拜拜ê次數，十隻指頭仔ut bē完。印
象上深ê是，teh beh聯考ê時補習班ê主任chhōa規班 ê 學生仔去天公廟拜
拜。

我ê翁婿intau是tuàtī海邊仔ê討海人。Beh結婚ê時，我ê翁婿有kā我
講，in媽媽足傳統ê、intau定定teh拜拜。我心內想講，拜拜m̄是就香
gia̍h咧kā神明講兩句仔話閣kā神明tìm兩下á頭表示感謝ánne就好ah，he
無啥、真簡單啊！

結婚了後，我才知影翁婿intau ê拜拜bē tàng chhìnchhái，親像：
ta̍k工早暗攏愛kā神明、祖先點香拜拜、奉茶。初一、十五愛kā神明敬花敬
果。十六愛拜門口、每個月廟裡、厝邊ê私人壇愛賞兵、ta̍k年kohū祖
先作忌hām真濟神明ê生日嘛攏愛款拜拜。

M̄ nā是ánne 每年ê拜天公、南斗北斗生日、清明節、七月時仔ê普渡、二
九暝拜祖先對大家來講攏是大節日一定愛chhoân kah足chheⁿchhau。神
明ê生日攏是準備素食ê，親像：hiâⁿ四果茶、紅龜、麵支、四果：四種
果子、三珍海味：薑、鹽、糖、黃豆……等等。清明節、七月時仔ê普渡、二
九暝拜祖先就愛chhoân三牲:魚、雞、肉，若是五牲就愛閣加上liônghê
佮蟳仔，a kohū飯菜kah果子攏總愛十二項。

對tòatī海邊仔ê討海人來講拜拜是一種寄託。kā心內所祈求ê攏寄託hō͘神
明，向望家庭和諧、翁婿出海lia̍h魚萬事順利、囝兒序細健康平安bat代
誌，拜託神明kā伊鬥幫贊。這款ê simchiâⁿ是我這幾年來做人家後、做
人老母嘛體會會著ê。

Chitmá囡仔攏大漢ah，嘛攏有bē bái ê成就，拜拜對ta̍k家來講m̄ kan
nā是寄託，有閣較濟ê是感謝。感謝神明、感謝祖先，hō͘ 一家伙仔大細攏
平安順利。