《蘇老師 ê 台語教室》

 | | | 轉寄

阮tau ê後花園

作者 蔡菽娟 2024.12.01

＊阮tau ê後花園
阮tau有一个嶄然仔大ê後花園
花園內底有一片真闊khǹg ê湖
湖頂面有一座媠koh長ê橋
Ta̍k不時吹來涼涼ê風
Se̍h清幽ê小路
看遠遠斜chhiō金黃色ê夕陽
Chia是情人約會ê好所在

阮tau有一个誠大ê後花園
花園內底有一座大大、懸懸ê chhūliulông
微微仔風吹來
peh長長koh懸懸ê樓梯
一擺koh一擺chhū落來
Chē leh chhū tó leh chhū tòthâuchai leh chhū
Iōng liànê chhū iōng ku̍tê chhū…
各種姿勢lóng總有
歡喜ê笑聲làng時無làng日
花蕊滿四界開kah規山phiâⁿ

阮tau有一个足大ê後花園
花園內底有一tè耍水ê所在
Chúihia̍p'á做武器
Chē chē ê噴水孔是水雷炸彈發射ê chhèngkháu
Chi̍t nn̄g saⁿ... khuichiàn
這是一場hō͘人心花開ê戰爭

阮tau有一个真大ê後花園
歡迎有閒來chia chē
泡茶開講bóng話仙