《用咱ê話唸Ιn ê詩》

 | | | 轉寄

《心城》 "City of the Heart" Ta̍hōethâu/踏話頭

作者 Robert Smithdas 2021.01.17

Ta̍hōethâu
Góa siá chiahê si sī inūi kúinā nî lâi góa ê sim itti̍t teh tùi góa chhiùⁿ koa, inūi chhiⁿchhám koh súi ê chêngsū á.sī ū la̍t ê chêngkám, hō͘ góa ohtit kā kakī ê simsu kah kámchêng kūthé hòa ēng kháuthâu lâi piáuta̍t. Ū sî, lêngkám hiahni̍h chūhoattek, chiahê sû soah hoānlām chiâⁿchò góa ê ìsek, jîchhiáⁿ hō͘ kakī chiâⁿ chò koakhek. M̄koh, góa hoatkiàn kakī tiāⁿtiāⁿ chhiauchhōe kahná bêkiong ê gígiân hâmgī, ēng chhōetio̍h siōng ū soehho̍k le̍k ê sû kah siōng ha̍plí ê chiatchàu lâi chò chútê ê tiongsim. Chóng.sī, góa itti̍t lóng chaiiáⁿ góa siūⁿ beh ēng cha̍psì chōa si, á.sī suchêng si lâi piáuta̍t kakī lāichāi ê púnchit, á.sī tùi khangpe̍h sikù koh khah chôngko ê jia̍tchêng.
Lâng kah só͘ū kîtha sengbu̍t bô kâng ê só͘chāi, chāitī lâng ū páak susióng kah ūniōng sióngsiōngle̍k ê mô͘le̍k, jîchhiáⁿ tùi kìek ni̍h tiônghiān kòekhì ê kámkak kah kengle̍k sengtōng sèng ê lêngle̍k. Tìsek sī lâng siōng tōa ê lémi̍h, thongkòe hóanséng kah chūngó͘ phêngkè lâi tittio̍h sektòng chuióng ê sî, i to̍h chiâⁿchò tìhūi ê hántit ū koh súi ê bítek. Tng lán tùi súi ê ǹgbāng, tùi àichêng ê siaumô͘ kámchêng, tùi hoanlo̍k ê tōa hoaⁿhí á.sī tùi pisiong ê o͘àm iuut kámkak iaugō ê sî, lán ē liáukái jîchhiáⁿ chaiiáⁿ in ê chinsi̍t hâmgī. Tùi ū ìsek ê thâunáu kah bínchia̍t ê simlêng, o̍ahmiā sī chi̍t chióng liáukái lán ê siūⁿhoat kah kámsiū ê hongsek!
Tng Anne Sullivan Macy kà Helen Keller thâu chi̍tê tansû, chiū ánne thêkiong chitê gíná gígiân ê thâuchi̍t ki sósî, hō͘ i páithoat bûti ê sokpa̍k, he sī gōani̍há êngiāu ê sènglī! M̄koh ētàng khéngtēng ê sī, tio̍hsǹg tī sèkài hiòng i piáuta̍t chhengchhó ê hit chi̍t khek chìnchêng, sèhàn chabó͘ gíná mā ittēng íkeng chaiiáⁿ i sī hông thiàⁿ kah tinsioh ê. I ê sianthian tìhūi ittēng ē tùi pa̍t lâng ê unjiû chò chhut hóanèng, tio̍hkóng sī ài kòeliáu kúinā nî, i chiah ētàng súiōng chūngó͘ piáuta̍t ê chengbí lémi̍h, che ē hō͘ i chiâⁿchò sèkài siōng siōng úitāi ê jîntō chúgī chiá chi it. Hit ūi huihoân ê lāusu kah tiongsi̍t pêngiú Anne Sullivan Macy ittēng ē ēng bó͘ chióng hongsek lâi chaiiáⁿ, chitê gíná ū chi̍t kang ē kámtōng sò͘ pah bān ê simlêng.
Robert J. Smithdas

踏話頭
我寫chiahê詩是因為幾nā年來我ê心一直teh對我唱歌，因為悽慘koh súi ê情緒á是有力ê情感，hō͘ 我oh得kā kakī ê心思kah感情具體化用口頭來表達。有時，靈感hiahni̍h自發tek，chiahê詞soah氾lām成做我ê意識，而且hō͘ kakī成做歌曲。M̄koh，我發見kakī tiāⁿtiāⁿ chhiauchhōe kahná迷宮ê語言含義，用chhōetio̍h siōng有說服力ê詞kah siōng合理ê節奏來做主題ê中心。總是，我一直lóng知影我想beh用十四chōa詩，á是抒情詩來表達kakī內在ê本質，á是對空白詩句koh khah崇高ê熱情。
人kah所有其它生物無仝ê所在，在tī人有把握思想kah運用想像力ê魔力，而且tùi記憶裡重現過去ê感覺kah經歷生動性ê能力。智識是人siōng大ê禮物，通過反省kah自我評價來得tio̍h適當滋養ê時，它to̍h成做智慧ê罕得有koh súi ê美德。當咱對súi ê ǹg望，對愛情ê消磨感情，對歡樂ê大歡喜á是對悲傷ê烏暗憂鬱感覺iau餓ê時，咱ē了解而且知影in ê真實含義。對有意識ê頭腦kah敏捷ê心靈，活命是一種了解咱ê想法kah感受ê方式！
當Anne Sullivan Macy（安妮·沙利文·梅西）教Helen Keller（海倫·凱勒）頭一个單詞，就ánne提供 chitê gíná語言ê頭一支鎖匙，hō͘ 她擺脫無知ê束縛，he是gōani̍há榮耀ê勝利！M̄koh ētàng肯定ê是，tio̍h算tī世界向她表達清楚ê hit一刻chìn前，細漢chabó͘ gíná mā一定已經知影她是hông疼kah珍惜ê。她ê先天智慧一定ē對別人ê溫柔做出反應，tio̍h講是ài過了幾nā年，她chiah ētàng使用自我表達ê精美禮物，這ē hō͘ 她成做世界上siōng偉大ê人道主義者之一。Hit位非凡ê老師kah忠實朋友Anne Sullivan Macy一定ē用某種方式來知影，chitê gíná有一工ē感動數百萬ê心靈。

Robert J. Smithdas