《台語kah魔術》

 | | | 轉寄

路竹蘇晏德

作者 蘇晏德 2016.09.04

蘇晏德(台語文) Soo Iàntek(Tâigíbûn)

台文奇才蘇晏德 Tâibûn kîchâi Soo Iàntek
在地出世半路竹 Chāitē chhutsì Pòaⁿlōotek
魔術表演有特色 Môosu̍t piáuián ū te̍ksek
台語教學有成績 Tâigí kàuha̍k ū sêngchek

做人趣味閣心適 Chòlâng chhùbī koh simsek
做事頂真有原則 Chòsū téngchin ū goânchek
平時上愛做公益 Pêngsî siōngài chò kongek
台語正名有氣魄 Tâigí chiàⁿmiâ ū khìphek

台檢招生有能力 Taikiám chioseng ū lêngle̍k
母語優先無選擇 Bógí iusian bô soánte̍k
羅馬拼音愛讀熟 Lômá phengim ài tha̍k se̍k
指導寫詩有收獲 Chítō siási ū siuhe̍k

母語家庭有來歷 Bógí katêng ū lâile̍k
台語老師佔二席 Tâigí lāusu chiàm nn̄gse̍k
笑詼故事若演劇 Chhiòkhoe kòosū ná iánke̍k
重視母語像寶玉 Tiōngsī bógí chhiūⁿ póge̍k