《台語kah魔術》

 | | | 轉寄

路竹教會70週年

作者 蘇晏德 2016.10.30

路竹教會70週年感恩禮拜~作者：蘇晏德

路竹教會過生日 Loōtek kàuhōe kòe seⁿji̍t
敬拜上帝排第一 Kèngpài Siōngtè pâi tē it　
兄弟姊妹愛盡職 Hiaⁿtī chímoāi ài chīnchit
信仰火種毋通熄 Sìngióng hóechéng m̄ thang sit

七十週年的種子 Chhitcha̍p chiunî ê chéngchí
福音路竹傳出去 Hokim Loōtek thoânchhutkhì
上帝不變的真理 Siōngtè putpiàn ê chinlí
喜樂平安大福氣 Hílo̍k pêngan tōa hokkhì

細漢跟綴主跤步 Sèhàn kuntòe Chú khapoō
感謝耶穌的保護 Kámsiā Iâsoo ê póhoō
愛吟聖詩來歡呼 Ài gîm Sèngsi lâi hoanhoo
至好朋友是耶穌 Chìhó pêngiú sī Iâsoo

大漢以後行天路 Toāhàn íāu kiâⁿ thiⁿloō
勤讀聖經飲甘露 Khîn tha̍k Sèngkeng ím kamloō
耶穌是咱避難所 Iâsoo sī lán pīlānsoó
毋驚拄著大風雨 M̄ kiaⁿ tú tio̍h tōa honghoō

前輩教咱白話字 Chiânpòe kà lán Pe̍hōejī
豆菜芽仔真趣味 Tāuchhàigê'á chin chhùbī
予咱會曉吟聖詩 Hoō lán ē hiáu gîm Sèngsi
欲讀聖經真便利 Beh tha̍k Sèngkeng chin piānlī

宣揚福音七十冬 Soaniông hokim chitcha̍p tang
感謝耶穌的疼痛 Kámsiā Iâsoo ê thiàⁿthàng
上帝恩典毋通藏 Siōngtè untián m̄ thang chhàng
大好消息緊報人 Tōahó siausit kín pòlâng

路上耶穌來扶持 Loōchiūⁿ Iâsoo lâi hûchhî
竹林有主的印記 Teknâ ū Chú ê ìnkì
教導信仰傳鄉里 Kàutō sìngióng thoân hiuⁿlí
會友順趁主教示 Hōeiú sūnthàn Chú kàsī

生根發葉佇路竹 Seⁿkin hoathio̍h tī Loōtek
日日學習主款式 Ji̍tji̍t ha̍ksip Chú khoánsek
快傳福音愛積極 Khoàithoân hokim ài chekke̍k
樂意服侍閣盡責 Lo̍kì ho̍ksāi koh chīnchek

七十週年教會史 Chhitcha̍p chiunî kàuhōesú
十分虔誠感謝主 Cha̍phun khiânsêng kámsiā Chú
週年回顧感動久 Chiunî hôekoò kámtōng kú
年長信仰真可取 Nîtióng sìngióng chin khóchhú

感謝救主的大恩 Kámsiā Kiùchú ê tōaun
恩典滿滿用有賰 Untián móamóa ēng ū chhun
禮拜熱心蔭囝孫 Lépài jia̍tsim ìm kiáⁿsun
拜主上帝大人君 Pài Chú Siōngtè toājînkun

信仰堅定攏共心 Sìngióng kiantēng lóng kāngsim
仰望真理傳福音 Gióngbōng chinlí thoân hokim
傳湠後代咱責任 Thn̂gthòaⁿ āutāi lán chekjīm
湠開信仰日日深 Thoaⁿkhui sìngióng ji̍tji̍t chhim

宣揚福音大真光 Soaniông hokim tōachinkng
揚棄偶像有擔當 Iôngkhì ngoósiōng ū tamtng
福音真理莫抛荒 Hokim chinlí mài phahng
音樂佈道傳家庄 Imga̍k poòtō thoân kachng


路竹教會佇1946年10月25設教
佇2016年10月23舉行設教70週年感恩禮拜
主題：信仰傳湠、宣揚福音