《台語kah魔術》

 | | | 轉寄

0404兒童節

作者 蘇晏德 2023.04.02

兒童節(台語文) Jîtôngcheh

四月初四兒童節 Sìgoe̍h chhesì Jîtôngcheh
國定假日免讀冊 Koktēng kàji̍t bián tha̍kchheh
全家歡喜來踅街 Choânke hoaⁿhí lâi se̍hke
幸福笑容滿四界 Hēnghok chhiòiông móasìkè

兒童國家的未來 Jîtông kokka ê bīlâi
培養未來的人才 Pôeióng bīlâi ê jînchâi
照顧細囝用真愛 Chiàukò͘ sèkiáⁿ iōng chinài
予in生活足精彩 Hō͘ in sengoa̍h chiok chhengchhái

兒童國家的資產 Jîtông kokka ê chusán
國家未來的接班 Kokka bīlâi ê chiappan
祝福兒童攏平安 Chiokhok jîtông lóng pêngan
予in幸福緊大漢 Hō͘ in hēnghok kín tōahàn

兒童人權愛保護 Jîtông jînkoân ài póhō͘
未來主人愛照顧 Bīlâi chúlâng ài chiàukò͘
雖然晟養真辛苦 Suijiân chhiâⁿióng chin sinkhó͘
拍拚著有好前途 phahpiàⁿ tio̍h ū hó chiântô͘