《趁iau2日時》

 | | | 轉寄

視障音樂家kap作曲家國際比賽

作者 林俊育 2008.08.17

視障音樂家kap作曲家國際比賽ê歷史
籌組視障音樂比賽ê理念，起頭是來自布拉格ê第二十五屆視障青少年音樂學校週年慶，第一pái ê比賽tī 1973 年舉行。因為比賽ê成功，hō͘學校會得thang kohkhah重視視障音樂，tùi一般ê藝術教育kap培訓職業音樂教師兩方面著手。

起初ê比賽只是學校內部ê活動，但結果產生真好ê正面效果，tùi ánne形成鼓勵擴大比賽ê計畫理念。Chitê理念mā激起各行各業ê興趣，後來參與kap學校合作，並扮演審查委員ê角色。
Tùi ánne，音樂營ê組織就開始chhōe kohkhah chē ê支援，來方便舉辦kohkhah chē ê比賽，結果功效奇彰，視障音樂家ê新傳統文化因運而生，起先只有歌唱、樂器演奏，後來mā包括作曲家比賽。 Tùi一開始，比賽ê主辦單位就非常重視參賽者ê職業開發，幫助in透過音樂來開創kohkhah好ê職業生涯。

第一屆國際視障音樂比賽tī 1975 年tī布拉格舉行，視障青少年音樂學校ê三十位學生kap幾位畢業生參加，in是國內初選得獎者，國際來ê有匈牙利、波蘭kap以前ê東德。

第二屆比賽tī 1978 年舉行，前蘇聯mā派代表來參加，國際評審委員包括來自波蘭、挪威kap前蘇聯。

第三屆比賽tī三年了後舉行，納入國際殘障年活動之一，mā tùi ánne引起國外來參加ê興趣。

第四屆比賽tī 1985 年tī馬連巴德（Marienbad）舉行，che是第一pái tī布拉格以外ê所在舉辦，che是一個設tī西波希米亞ê溫泉小鎮，當地ê機關團體建立一個相當適合比賽ê環境。比賽分三階段進行，參賽者有 24 位，其中七位來自國外。同時有一個西波希米亞交響樂團kap一位來自日本ê小提琴家kap波孝禧聯合ê音樂會共襄盛舉，hō͘ kuiê比賽增光bē少。

第五屆比賽tī 1988 年koh再tī馬連巴德舉行，chitpái特別安排來慶祝布拉格ê視障青少年音樂學校四十週年紀念，chitê學校mā參加合辦。馬連巴德市政府主辦，以國際音樂節ê方式進行。

1991 年繼續舉辦第六屆ê系列比賽，chitpái ê主辦單位是捷克視障者協會，che年十二月底tī馬連巴德是四十年來第一pái由視障機構獨立舉辦。

第七屆比賽tī 1994 年ê二月底舉行，參賽者有三十名ê歌唱家kap樂器演奏家，來自德國、英國、日本、保加利亞、波蘭、立陶宛、俄羅斯、西班牙、Byelorussia、斯洛華克，當然mā有捷克共和國。

捷克視障者協會mā支持視障作曲家，in ē tàng每三年提出新作品，往往是tī比賽ê前一年提出，該年ê白杖日是截稿ê日期（10月15日）。入選ê作品tī音樂比賽ê開幕典禮中koh再得獎ê作曲家前演出。對國際作曲家比賽ê興趣與日具增，國外尤盛，得獎者差不多lóng是外國人，chiahê獎金是由捷克音樂基金會提供，六次ê作曲家比賽分別是 1978、1981、1984、1987、1990 kap 1993。