《聖經故事三字詩》

 | | | 轉寄

1. ChhòngSè....創世

作者 Tân chhengchùn 2008.10.05

Ke̍k khí chho͘, thiⁿ tē o͘,
極起初，天地烏

Chin it sîn, chō chhiⁿsîn,
真一神，造星辰，

Ji̍tge̍h ūn, tiùiā pun,
日月運，晝夜分，

Háilio̍k bêng, hoechháu seng,
海陸明，花草生，

Chhiūba̍k sēng, kéchí sêng;
樹木盛，果子成；

Hîhê siû, Pē chiáu chiu,
魚蝦泅，飛鳥啁，

Khunthiông liu, cháusiù iû;
昆蟲遛，走獸遊；

La̍k kang kàu, lâng chòeāu,
六工到，人最後，

Lâm ko͘toaⁿ, lú chòe phōaⁿ,
男孤單，女做伴，

Heng khuikhoah, gîm sikoa,
胸開闊，吟詩歌，

Lo̍khn̂g tòa, chin khoàiⁿoa̍h;
樂園住，真快活；

Thàuchá léng, ē hng chēng,
透早冷，下昏靜，

Tiongtàu chheng, àmmî êng;
中晝清，暗冥閒；

Chhit anhioh, simsin sioh,
七安息，心身惜

Útiū tio̍h, kngliōng chiò,
宇宙著，光亮照，

Kim gûn hio̍h, tâng thih chio̍h,
金銀葉，銅鐵石，

Saⁿkap chio, chāi lí khioh,
相佮招，隨你拾，

Chhut siaⁿ kiò, bīniông chhiò.
出聲叫，面容笑。