《聖經故事三字詩》

 | | | 轉寄

5. Hiaⁿtī....兄弟

作者 Tân Chhengchùn 2008.11.30

Hiaⁿtī chêng, chūjiân sêng,
兄弟情，自然成，

Hôkhì seng, ka chiū heng;
和氣生，家就興，

Thâu chi̍ttùi, Kaiún húi,
頭一對，該穩毀，

Chē hiaⁿ ūi, hiàn tiūsūi;
坐兄位，獻稻穗，

Apek sûi, tōngbu̍t lūi,
亞伯隨，動物類，

Hó hêngûi, Siōngtè ūi;
好行為，上帝為﹔

Chhùlāi oan, khí jiáuloān,
厝內冤，起擾亂，

Khò hiaⁿ koân, sat jîn hoān;
靠兄權，殺人犯，

Siōngchú soan, Tòchhù chhoàn
上主宣，到處竄，

Kò͘ lâng oàn, Ta̍kūi soan;
顧人怨，遂位旋，

Pē bú chêng, hiaⁿtī èng,
父母情，兄弟應，

Chêngāu seng, tn̂gté hêng,
前後生，長短形，

Ēng tn̂g eng, pó͘ té sèng,
用長英，補短性，

Kùi hô͘pêng, kiàn katêng.
貴和平，建家庭。