《歷史上ê主耶穌》

 | | | 轉寄

第十四章_二2 耶穌受難kah最後ê晚餐

作者 杜英助 台譯：Lîm Chùnio̍k 2021.02.28

聖經內面有關「三」ê數字真重要，親像：
1）耶穌出來傳道ê時，tī試探山接受魔鬼試探三pái。
2）耶穌為外邦人醫病，特別因為外邦人ê信心比偤太人koh khah大，mā提起三pái：
a）Τī迦拿醫好一个大臣ê kiáⁿê重病（約翰4：4651）。 b）Τī迦百農醫好百夫長奴僕ê重病（馬太8：513；路加7：110）。 c）Tī泰爾、西頓境內hō͘一个迦南婦人ê chabó͘ kiáⁿ身chiūⁿ ê鬼離開（馬太15：2130；馬可7：2430）。

3）耶穌hō͘ 三個人tùi死koh活：
a）Τī迦百農hō͘會堂主管睚魯ê chabó͘ kiáⁿ（12歲）tùi死koh活（馬太9：18、19、2326，馬可5：2124、3543，路加8：4042、4956）。
b）拿因寡婦ê kiáⁿtī出殯ê時，耶穌hō͘伊koh活（路加7：1117）。
c）伯大尼ê拉撒路死去四工，耶穌hō͘伊tùi墳墓中koh活行出來（約翰11：1744）。

4）耶穌siōng尾一pái chhōa門徒beh去耶路撒冷過Poâⁿ過節ê途中，ǹg門徒預言三pái「祂一定ē受殺害」：
a）Tī北加利利ê凱撒利亞．腓立比境內，彼得承認耶穌「是基督，是永遠活ê上帝ê Κiáⁿ」了後，耶穌ǹg門徒明講：「人子ē hō͘ hiahê長老、祭司長、經學教師迫害，受真chē苦難，mā一定會hō͘ in害死，第三日上帝會hō͘祂koh活。」（馬太16：21，馬可8：31，路加9：22）。
b）當耶穌chiūⁿ他泊山變貌，chhōa三个門徒起lih，落山ê時，耶穌對門徒講：「人子teh beh hō͘人出賣ā。 23 In會kā祂害死，第三日上帝hō͘祂koh活。」（馬太17：2223，馬可9：31，路加9：44）；門徒聽tio̍h耶穌對in ánne講，心內卻bē明白chiahê話ê意思，mā m̄敢問ná ē ánne？
c）耶穌第三pái koh再對門徒預言祂ê受難kah koh活，是tī in chiūⁿ耶路撒冷beh到聖城ê路裡，耶穌對in講：「Taⁿ咱beh chiūⁿ耶路撒冷去。人子ē受出賣hō͘ hiahê祭司長kah經學教師，in會kā祂定死罪。後來，kā祂交hō͘ 外邦人，koh kā祂戲弄、鞭phah，釘十字架，第三日上帝ē hō͘ 祂koh活。」（馬太20：1719，馬可10：33、34，路加18：3133）。路加講：Chiahê tāichì門徒一點á都bē明白，對in是掩蓋ê；因為in m̄知影耶穌所講ê真相究竟是啥物？所以，tī耶穌光榮入聖城chìn前，西庇太ê bó͘ chhōa兩个kiáⁿ雅各kah約翰chiah ē做伙向耶穌叩頭，求耶穌一件tāichì，講：「老師，阮無論求啥物，願祢kā阮做。」而且講：「祢做王ê時，hō͘我chit兩個kiáⁿ一个坐tòa祢ê正pêng，一个坐tòa祢ê倒pêng。」（馬太20：2021，馬可10：3537）莫怪馬太講：其他十個門徒聽tio̍h，就對hit兩個兄弟受氣。」（馬太20：24）

5）耶穌被控告受害，經過大祭司亞拿kah該亞法初審（馬太26：5768），安提帕希律二審（路加23：612），彼拉多三審定案（馬太27：1526）。
6）耶穌被釘十字架ê時，身邊mā有二个強盜，所以，各各他有三个十字架。
7）耶穌tī大祭司ê住宅受審，彼得三pái m̄認主（約翰18：1527）。耶穌死後三工koh活，衪向彼得顯現，問伊講：「你kám有疼我？」，彼得三pái回答講：「主ah，有，祢知我有疼祢。」（約翰21：1518）

偤太人對「三」ê數字相信經過三pái了後to̍h是「確定」à。所以，耶穌經過魔鬼三pái試探無陷落去魔鬼ê圈套，確定耶穌ê回答贏過魔鬼ê試探；耶穌三pái為外邦人醫病，確定耶穌教導人tio̍h疼厝邊，koh tio̍h疼仇敵（馬太5：43、44），祂有做到；耶穌三pái hō͘ 死人tùi死koh活，hō͘ 部分偤太人確信祂是上帝ê Κiáⁿ，是性命之主，信祂ê人雖然死去，mā一定ē koh活（約翰11：25）；當耶穌三pái對門徒預言講：「你看，taⁿ咱beh chiūⁿ耶路撒冷，先知所記載關係人子ê一切lóng會應驗。祂ē hō͘人出賣交hō͘外邦人，in會kā伊恥笑、侮辱、phùi瀾。 33 In會用鞭kā祂phah，來害死祂，第三日上帝ē hō͘祂koh活。」（路加18：3233），耶穌tī chit pái chiūⁿ耶路撒冷ê時，確定一定ē應驗先知所寫ê所有tāichì，lóng tio̍h成就tī人子ê身chiūⁿ（路加18：31）。