《生活e5台語，台語e5生活》

 | | | 轉寄

入廠保養

作者 陳小小, 漢羅Ruby版處理：Lîm Chùnio̍k 2020.10.04


禮拜日(lépàiji̍t) 聚 會(chūhōe) 結 束(kiatsok)，為(ūi) 會 眾(hōechiòng)祝 福(chiokhok)ê時(sî)，我(góa) 正 手(chiàⁿchhiú)the̍h màikuh(中 華 民 國(tionghôa bînkok)語(gí)ê「麥克風」），倒 手(tòchhiú) 差 不多(chhaputto)gia̍h bē起來(khí.lâi)。暗時(àmsî)tjm講(kóng) 應 該(engkai)bē是(sī)已 經(íkeng) 黏(liâm)tiâu.leh à？

拜一(pàiit)透 早(thàuchá)去(khì)法院(hoatīⁿ)辦理(pānlí)信 望 愛(sìnbōngài)法 人(hoatjîn)行 政(hêngchêng)登 記(tengkì)事宜(sūgî)， 續(sòa)落 來(lo̍h.lâi)to̍h去(khì)診所(chínsó͘)。 倒 手(tòchhiú)gia̍h起 來(khí.lâi)會(ē)溫溫(unun)á起(khí)痛(thiàⁿ)， 轉 動(choántōng)ê弧度(hô͘tō͘)jú來(lâi)jú細(sè)， 已 經(íkeng)兩(nn̄g)個月(kógoe̍h)à。

超 音 波(chhiauimpho)顯 示(hiánsī)已 經(íkeng)黏(liâm)tiâu.leh； 我(góa)一(chi̍t)秒(bió)間(kan)內(lāi)to̍h接 受(chiapsiū)醫生(iseng)ê建 議(kiàngī)， 自 費(chūhùi)震 波(chìnpho)、玻 尿 酸(po jiōsng)。少 年(siàuliân)ê復 健(ho̍kkiān)小弟(siótī)建 議(kiàngī)震 波(chìnpho)能 量(lêngliōng)ài jú大(tōa)jú有效(ūhāu)， m̄ koh ē真(chin)痛(thiàⁿ)。 我(góa)牙齒 根(gêkhíkin)咬(kā)leh講(kóng)好(hó)。


心 內(simlāi)想 講(siūⁿkóng)： 「做(chò)你(lí)來(lâi).... 管(koán)你(lí)啥 物(siáⁿmi̍h)龜 派(kuphài)氣 功 波(khìkongpho)、宇宙(útiū)能 量 波(lêngliōngpho)，拚(piàⁿ)落去(lo̍h.khì)lah。」 看(khòaⁿ) tio̍h螢 幕(êngbō͘)頂 面(téngbīn)，顯 示(hiánsī)長長(tn̂gtn̂g)ê針 頭(chiamthâu)插(chhah)入 去(ji̍pkhì)肩 胛 頭(kengkahthâu)， teh聽(thiaⁿ)醫生(iseng)講(kóng):「我(góa)beh用(ēng)針 頭(chiamthâu)kā黏(liâm)tiâu.leh ê部 分(pō͘hūn)ngiáu開(khui)、 chitmá灌(koàn)入 去(ji̍pkhì)潤 滑 油(jūnku̍tiû)(玻 尿 酸(po jiōsng))à。」 了 後(liáuāu)to̍h kā我(góa)ê手 股 頭(chhiúkó͘thâu)用(ēng)大(tōa)弧度(hô͘tō͘)se̍htńg拆 開(thiahkhui)； 真 正(chinchiàⁿ)是(sī)有(ū)夠(kàu)爽 痛(sóngthiàⁿ)。

下晡(ē po͘)續(sòa)落 來(lo̍h.lâi)是(sī)健 保(kiānpó)給 付(kiphù)ê電 療(tiānliâu)kah機械(kihâi)治 療(tīliâu)giú頷 頸(āmkún)，今(kin)á日(ji̍t)iáukoh ài外加(gōaka)自 費(chūhùi)ê手 工(chhiúkang)治 療(tīliâu)， tio̍h連 續(liânsòa)治 療(tīliâu)一(chi̍t) 個 月(kògoe̍h)。

醫生(iseng)oló我(góa)ê決 斷 力(koattoànle̍k)，其實(kîsi̍t)這(che)m̄是(sī)決 斷 力(koattoànle̍k)，卻 是(khioksī)我(góa)知 影(chaiiáⁿ)罪(chōe)進 入(chìnji̍p)世界(sèkài)， 人(lâng)ē老(lāu)、 病(pēⁿ)、死(sí)。我(góa)kā kakī當 做(tòngchò)是(sī)一(chi̍t)台(tâi)汽 車(khìchhia)，應 該(engkai)入 廠(ji̍pchhiúⁿ)維修(î siu)to̍h應 該(engkai)修(siu)；無(bô)潤 滑 油(jūnku̍tiû)，to̍h ài加添(kethiⁿ)。

我(góa)反 省(hoánséng)是(sī)kakī疏忽(so͘hut)保 養(póióng)。 離職(lîchit)chit一(chi̍t)年(nî)，大部 分(tōapō͘hūn)ê時間(sîkan)是(sī)鬱(ut)tī厝 裡(chhù.ni̍h)寫(siá)文 章(bûnchiuⁿ)， 寫(siá)寫(siá)寫(siá)，寫(siá)寫(siá)寫(siá)，siuⁿ少(chió)運 動(ūntōng)。加 上(kasiōng)m̄知 影(chaiiáⁿ)tang時(sî)giâ重 物(tāngmi̍h)受 傷(siūsiong)，iáu認為(jīnûi)kakī kah少 年(siàuliân)仝 款(kāngkhoán)是(sī)神 力(sînle̍k)女(lí)超 人(chhiaujîn)，所以(só͘ í)， 倒 手(tòchhiú)損 害(súnhāi)去(khì)à。

傳 道 師(thoântōsu)3：1~8 「天下(thiⁿē)萬 象(bānsiōng)lóng有(ū)它(i)ê期(kî)，萬 項(bānhāng)事(sū)lóng有(ū)它(i)ê時(sî)。 有(ū)出 世(chhutsì)ê時(sî)， 有(ū)死 亡(síbông)ê時(sî)；有(ū)栽 種(chaichèng)ê時(sî)， 有(ū)kā所(só͘)栽 種(chaichèng)ê拔 出(poe̍hchhut)ê時(sî)； 有(ū)刣死(thâisí)ê時(sî)， 有(ū)醫好(i hó)ê時(sî)； 有(ū)拆 毀(thiahhúi)ê時(sî)，有(ū)起 造(khíchō)ê時(sî)； 有(ū)啼 哭(thîkhàu)ê時(sî)，有(ū)歡 笑(hoanchhiò)ê時(sî)； 有(ū)哀 傷(aisiong)悽 慘(chhichhám)ê時(sî)， 有(ū)跳 舞(thiàubú)歡 喜(hoaⁿhí)ê時(sî)； 有(ū)hiat石 頭(chio̍hthâu)ê時(sî)， 有(ū)拾(khioh)石 頭(chio̍hthâu)ê時(sî)； 有(ū)thang抱(phō)ê時(sî)，有(ū)m̄ thang抱(phō)ê時(sî)； 有(ū)chhōe tio̍h ê時(sî)， 有(ū)失落(sitlo̍h)ê時(sî)； 有(ū)保 存(póchûn)ê時(sî)， 有(ū)放(pàng)sak ê時(sî)； 有(ū)拆 裂(thiahli̍h)ê時(sî)，有(ū)補 縫(pó͘thīⁿ)ê時(sî)； 有(ū)恬 恬(tiāmtiām)ê時(sî)， 有(ū)講 話(kóngōe)ê時(sî)； 有(ū)疼 惜(thiàⁿsioh)ê時(sî)， 有(ū)怨 恨(oànhūn)ê時(sî)； 有(ū)交 戰(kauchiàn)ê時(sî)， 有(ū)和好(hôhó)ê時(sî)。」 （《全 民(choânbîn)台語(tâigí)聖 經(sèngkeng)》）（註(chù)： 「傳 道 師(thoântōsu)」是(sī)照(chiàu)原 文(goânbûn) “קֹהֶלֶת‬，qōheleṯ”翻 譯(hoane̍k)，傳 統(thoânthóng)中 文(tiongbûn)譯做(e̍kchò)「傳 道 書(thoântō su)」）

該(kai)跳 舞(thiàubú)保 養(póióng)to̍h ài跳 舞(thiàubú)保 養(póióng)lah。 Ǹg望(bāng)我(góa)chitê豬腦(tináu)ē tàng記 取(kìchhú)教示(kàsī)！Ǹg望(bāng)kakī chit台(tâi)五 十(gō͘cha̍p)年久(nîkú)ê車(chhia)， iáu thang為(ūi)主(chú)加(ke)駛(sái)幾(kúi)年(nî)。