《台語荒漠甘泉（漢羅版）》

 | | | 轉寄

信m̄信

作者 陳清俊 譯 林俊育 漢羅翻寫 2011.06.26

listen 六月二六(六月二十六日)

「設使(siatsú) 有(ū) ê 無(bô) 信(sìn)，就(chiū) 怎樣(cháiⁿiūⁿ)？In ê 無(bô) 信(sìn) beh 廢無(hòebô) 上帝(siōngtè) ê 信實(sìnsi̍t) mah?」(羅馬(lômá) 3：3)

我(góa) 想(siūⁿ) 我(góa) 一生(itseng) ê 每(múi) 一個(chi̍tê) 悲傷(pisiong) lóng thang 講(kóng) 是(sī) 因為(inūi) m̄ 信(sìn) 所(só͘) 致(tì) ê。若是(nāsī) 我(góa) 相信(siongsìn)，過去(kèkhì) ê 一切(itchhè) 受(siū) 赦免(siàbián)，現今(hiānkim) 我(góa) 滿滿(móamóa) 有(ū) 力量(le̍kliōng)，將來(chionglâi) 滿(móa) 有(ū) 希望(hibōng)，ánni，我(góa) kiám m̄ 是(sī) 時時(sîsî) 幸福(hēnghok) 快樂(khòailo̍k) mah?

是(sī)，未來(bīlâi) 是(sī) 燦爛(chhànlān) ê，上帝(siōngtè) 是(sī) 信實(sìnsi̍t) ê。伊(i) ê 真理(chinlí) 永(éng) 無(bô) 改變(káipiàn)，bōe 因為(inūi) 我(góa) ê 變化(piànhòa) 來(lâi) 改變(káipiàn)。我(góa) m̄ 信(sìn) 伊(i) ê 應允(èngún) 來(lâi) 跋倒(po̍ahtó) ê 時(sî)，伊(i) 也(iā) 無(bô) 搖動(iôtāng)。伊(i) ê 信實(sìnsi̍t) ná 高高(kôaiⁿkôaiⁿ) ê 山(soaⁿ) khiā tiâutiâu，鑽(chǹg) 到(kàu) 天頂(thiⁿténg) hiah 高大(kôantōa)，伊(i) ê 地基(tē ki) lóng 釘(tèng) tī 上帝(siōngtè) ê 石磐(chio̍hpôaⁿ) 頂(téng)，深(chhim)，bōe 會(ōe) 測度(chhekto̍k) ê。

Blanc 山(soaⁿ) 並(pēng) bōe 因為(inūi) peh 山(soaⁿ) ê 人(lâng) 目睭(ba̍kchiu) 花(hoe)，á 是(sī) 雲霧(hûnbū) 就(chiū) 無去(bôkhì)。──James Smetham

咱(lán) 若(nā) 因為(inūi) 無(bô) 信(sìn) 上帝(siōngtè) ê 應允(èngún) soah 失去(sitkhì) 伊(i) ê 祝福(chiokhok)，kiám 有(ū) 甚麼(símmi̍h) 奇怪(kîkòai)？並(pēng) m̄ 是(sī) 講(kóng)，若(nā) 有(ū) 信(sìn) 就(chiū) 一定(ittēng) 得(tit) tio̍h 上帝(siōngtè) ê 回答(hôetap)，也(iā) m̄ 是(sī) 講(kóng)，咱(lán) ê 努力(ló͘le̍k) 就(chiū) 一定(ittēng) 會(ōe) 得(tit) tio̍h。相信(siongsìn) 只是(chísī) 必要(pitiàu) ê 條件(tiâukiāⁿ)，上帝(siōngtè) ia̍h 有(ū) 權(kôan) thang 決定(koattēng) 賞賜(siúⁿsù) ê 其他(kîtha) 條件(tiâukiāⁿ)。──Samuel Hart

無(bô) 信(sìn) ê 人(lâng) 一直(itti̍t) 問(mn̄g)：「這(che) án 怎(chóaⁿ) 可能(khólêng)？」無(bô) 信(sìn) ê 人(lâng) 心內(simlāi) lóng 是(sī)「án 怎(chóaⁿ)？」信心(sìnsim) 只有(chíū) 一個(chi̍tê) 回答(hôetap)，雖然(suijiân) 有(ū) 千千(chhengchheng) 萬萬(bānbān) ê「án 怎(chóaⁿ)？」一個(chi̍tê) 回答(hôetap) 就是(chiūsī) 上帝(siōngtè) 本身(púnsin)。──C. H. M.

人(lâng) 若(nā) beh 用(ēng) siōng 短(té) ê 祈禱(kîtó)，來(lâi) 成就(sêngchiū) 真(chin) 大(tōa) ê tāichì，就(chiū) tio̍h 合(ha̍p) tī 主(chú) 耶穌(iâso͘) 所(só͘) 教示(kàsī) 咱(lán) ê 祈禱(kîtó)。只要(chíiàu) 有(ū) 一個(chi̍tê) 完全(ôanchôan) 信心(sìnsim) ê 人(lâng) khiā 起來(khílâi)，就(chiū) 會(ōe) 將(chiong) 世界(sèkài) ê 歷史(le̍ksú) 改變(káipiàn)。

你(lí) 是(sī) m̄ 是(sī) chitê 人(lâng) mah?順(sūn) thàn 父(pē) 上帝(siōngtè) ê 旨意(chíì) kap 伊(i) ê 指示(chísī)。──A. E. McAdam

無(bô) 信心(sìnsim) ê 祈禱(kîtó) 會(ōe) 真(chin) 緊(kín) 變做(pìⁿchòe) 無(bô) 目的(bo̍ktek) ê「八股文(patkó͘bûn)」，無(bô) 真心(chinsim) ê 虛假(huké)。有(ū) 信心(sìnsim) ê 祈禱(kîtó) 會(ōe) 得(tit) tio̍h 上帝(siōngtè) ê 支持(chichhî) 咱(lán) ê 所(só͘) 求(kiû)。Tī 一生(itseng) 中(tiong)，ài 先(seng) 了解(liáukái) 祈禱(kîtó) ê 力量(le̍kliōng)，chiah 真實(chinsi̍t) 來(lâi) 祈禱(kîtó)。真實(chinsi̍t) ê 祈禱(kîtó)，有時(ūsî) 是(sī)「恬恬(tiāmtiām) ê 幾(kúi) 句(kù) 話(ōe)」，koh「天(thiⁿ) kap 地(tōe)」，koh「過去(kèkhì) kap 將來(chionglâi)」講(kóng) “Amen!”就(chiū) 夠額(kàugia̍h)。 這(che) 是(sī) 主(chú) 基督教(kitokkàu) 咱(lán) 祈禱(kîtó) ê 方式(hongsek)。──P.C.M.

無(bô) 有(ū) tāichì 用(ēng) 祈禱(kîtó) 達(ta̍t) bōe tio̍h ê，除了(tûliáu) 無(bô) 合(ha̍p) tī 上帝(siōngtè) ê 旨意(chíì)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org