《台灣之愛：盧俊義牧會筆記》

| | | 轉寄

Tī南美洲華人神學院上課

作者 盧俊義 2007.12.18

Tī南美洲華人神學院上課（tī南美洲華人神學院授課） 刊tī September 23th, 2007

八月二十六日ê暗時，阮tòa入去「南美洲華人神學院」宿舍。Chit間神學院設立tī一九九一年，主要是為解決南美洲各地華人教會（包括台灣人教會）日漸欠缺傳道者ê問題。目前該院ê院長陳寶鎮牧師、副院長羅家棟牧師、聖保羅長老教會石信惠牧師等lóng是該院ê第一期畢業生，而鄭昭穎長老ê公子，鄭國欽牧師目前tī巴西慕義教會牧會，伊mā是該院畢業生。因為巴西台灣人長老教會已成立「中會」，因此，只要是該院畢業生，而且受差派tī中會所屬之教會牧會，就會由中會派特會員去主持設立傳道師，或是按立牧師。阮tī八月十四日來到，而tī這工頭前，to̍h是八月五日hit工，巴西中會就tī慕義教會舉行鄭國欽牧師就任禮拜。因此，thang看出「南美洲華人神學院」tī南美洲地區ê華人教會是扮演tio̍h重要ê角色，而chit點也thang對該院tī阿根廷設立「分校」看會出來。

我tī出國前，副院長羅家棟牧師bat kā我講，正式學生有八位，這是有學分ê，需要hō͘學生作業並為in phah分數。但是伊強調會有十到十五位學生去旁聽。伊ài我開「創世記」這門課，上課時間由八月七日到三十日。每工上午八點到下晡一點，然後暗時由七點開始到十點，三十日早起到中晝結束。

該神學院為什麼會想tio̍h ài我去授課？chitê問題ê答案一直等我到了巴西後chiah知影。原來聖保羅大安教會ê吳炎山長老除了促成我chitpái巴西之行外，伊mā同時向神學院建議，tī我來巴西時，boeh「好好á利用」我來ê機會，向學生授課。羅家棟牧師kā我講：「kúinā年前，有一位自台南神學院畢業ê表親，寄來一本《路加福音ê信息》hō͘我，hit時我就知影有你chit位盧牧師。後來mā tī電視上聽tio̍h你ê講道。」

可能kap頂面所講原因有關係pah！in chiah決定接受吳長老ê推薦聘我去授課。我可能是來自台灣，第一位tī該院以密集班方式授課ê老師。Tī這chìn前，我聽in kā我講，lóng是聘請美國台福ê老師去講課。Chiahê老師lóng是擁有「博士」學位者，只有我只是一位普通ê牧師，在地方教會牧會，只有基礎神學教育ê背景而已。因此，聽tio̍h有二十位左右ê學生boeh上我ê課，真hō͘我受寵若驚，mā為tio̍h這，我特別tī六月中旬寄去十四套《細讀創世記》上、下冊ê冊，ài做作禮物送hō͘學生；而chiahê冊就tī我上課ê第二工，iā就是八月二十八日送達。我堅持送in，但學校卻堅持tio̍h用賣ê，最後in開一張我奉獻ê收據hō͘我。理由是來上我ê課ê學生接近四十名，大家lóng爭 boeh ài冊，如果用送ê會不公平，若用賣ê則是以教會為單位，每教會只ē tàng買一份。後來我chiah知影，in中間mā有人拜託台灣親友買了真chē我ê書籍，這kohkhah hō͘我堅信文字事工ê重要性kap影響力。

學生中間有日時頭、暗時lóng出席ê，chiahê學生包括正式生八名，kap其他ê「預備生」。暗時ê出席人數大概比日時頭ê出席人數多出一倍，約有四十名。Chiahê只有晚起來上課ê學生，採自由奉獻方式，而早晚出席者需繳學分費。

上課第一工，我先紹介以色列歷史簡史背景kap聖經編輯、形成ê關係，因為這會關係到〈創世記〉chit本古誌經冊ê資料來源。但有一位學生kānā聽tio̍h我講耶路撒冷城tī主前五八六年被巴比倫帝國摧毀，聖殿被燒盡，包括聖經在內，伊就無法度接受；伊相信一定會有人tùi聖殿中偷偷帶行聖經。

我kā伊講，即使是偷行了聖經，mā帶不行，因為人民被巴比倫帝國擄去當奴隸，而奴隸是不可能擁有任何物品ê。伊聽了了後回應講：「你怎知影？」這mā真叫我m̄知該如何回答chiah好，我只好介紹幾本冊hō͘學生看。我kāin講， mài講聖經時代因戰敗受對敵掠去作奴隸ê人，身軀不可能帶有任何物件，近代希特勒ê集中營，毛澤東時代ê「人民公社」、「勞改營」lóng是ánne。Chit位學生表示無法度認同，因此，伊只上半工課就離開，這hō͘我感覺有點á遺憾。

我第一工講〈創世記〉chit本冊形成ê過程kap主要ê內容；第二工講〈創世記〉中關於「約」ê建立；第三工講〈創世記〉第二十七章ê經文分析；第四工講第一章kap第二章創造故事中，男女之別。除此之外，我mā講第一章創造故事、第六到第八章大水ê故事，以及第四章兄弟uanke ê問題。

逐工暗時，來上課ê學生中，有一半是有sugiap tī le 無閒者，in利用晚頂下班後，特別來上課，其中有bē少人是聖保羅市內各教會ê長執、幹部。我非常感動ê是副院長羅家棟牧師mā不時抽空來聽課，而聖保羅教會石信惠牧師則是早、晚lóng全程參加，帶hō͘我非常大ê鼓勵。課程接近尾聲時，有bē少同學表示，in boeh重新整理我所講ê，因為kap in過去所領受ê大無相仝。In承認聽我ê課帶hō͘ in真chē新ê觀點，但mā帶hō͘ in bē少ê衝擊。有ê學生希望我ē tàng多留些時間，繼續上課。Tī最後一工課程結束後，有幾位學員kap院長陳寶鎮牧師設宴請我kap淑英食飯，院長表示希望我ē tàng koh來為學生開福音書ê課程。

八月三十日暗時，大安教會吳督行牧師通知全體會友到教會來聽我最後一場ê演講。神學院ê學生mā有bē少人參加。Chit場演講是臨時增加ê。吳牧師希望我kā大家講台灣新興宗教現象，以及一kóa新興基督教派問題。原因是，tī巴拉圭ê「服事主教會」已經受tio̍h影響而分裂，而且有kóa新興教派已經有人來過巴西。吳牧師希望我hō͘大家知影好提早防範，以免教會受tio̍h影響。我提起出現在中國ê「東方sìⁿnà」、以及台灣ê「攝理教」等等問題。Hit工暗時人非常多，連樓梯lóng坐滿了人。

演講結束，mā等於我tī南美洲為期一個月ê訪問、演講之工作終告完成。真chē人來kap我phah招呼，並且lóng真熱情地表示，希望我會koh來。

三十一日上午，阮tī陳淑珍姊ê長子kap吳炎山長老ê陪同落去參觀巴西獨立紀念館。中晝，淑珍姊特別買一尾烏魚煮米粉湯，算是為阮餞行。伊下晡開車送我kap淑英去機場，搭hit暗八點ê班機。

相聚是歡喜ê；離別是難過ê。阮講『再見』後，mā彼此紅tio̍h眼眶行入海關。

Tùi八月初一進入阿根廷開始，一路經過巴拉圭，koh再tńg來到巴西，前後整整一個月ê時間，所見所聽，帶hō͘阮真chē新ê認bat kap生命體驗，是珍貴而且難得ê經驗，豐富了阮ê生命。真感謝上帝賞賜ê恩典，帶領阮順利完成南美洲ê行程。

盧俊義牧師的個人網站。