《CTT出頭天園地》

 | | | 轉寄

馬偕之歌 最後的Khiā家

作者 Mákai 2006.02.19

　　　　Mákai chi koa Chòeāu ê khiāke
　　　　馬　偕　之　歌 最　後　的　Khiā　家


Góa choânsim só͘ thiàⁿsioh ê Tâioânah!
我　全　心　所　疼　惜　ê　台　灣　ah！

Góa ê chhengchhun lóngchóng hiàn hō͘ lí.
我　ê　青　春　lóng　總　獻　hō͘　你。

Góa choânsim só͘ thiàⁿsioh ê Tâioânah!
我　全　心　所　疼　惜　ê　台　灣　ah！

Góa itseng ê hoaⁿhí lóng tī chia.
我　一　生　ê　歡　喜　lóng　tī　此。



Góa tī hûnbūtiong khòaⁿkìⁿ soaⁿniá,
我　tī　雲　霧　中　看　見　山　嶺，

Tùi hûntiong khangphāng koanbōng choântē,
Tùi　雲　中　孔　phāng　觀　望　全　地，

Pholân tōahái iâuoán ê tùi hōaⁿ,
波　瀾　大　海　遙　遠　ê　對　岸，

Góa ìài tī chia thiàubāng bô soah.
我　意　愛　tī　此　眺　望　無　soah。



Góa sim bōe thang koahlî ê Tâioânah!
我　心　未　thang　割　離　ê　台　灣　ah！

Góa ê jînseng lóngchóng hiànhō͘ lí.
我　ê　人　生　攏　總　獻　hō͘　你。

Góa sim bōethang koahlî ê Tâioânah!
我　心　未　thang　割　離　ê　台　灣　ah！

Góa itseng ê khàilo̍k lóng tī chia.
我　一　生　ê　快　樂　攏　tī　此。


Ǹgbāng góa jînseng ê soahbóechām,
盼　望　我　人　生　ê　soah　尾　站，

Tī tōaéng phah hōaⁿ ê hiángsiaⁿ tiong,
在　大　éng　拍　岸　ê　響　聲　中，

Tī te̍knâ iôtāng ê ìmiáⁿnih,
Tī　竹　林　搖　動　ê　蔭　影　裡，

Chhōe tio̍h chòeāu ê khiāke.
找　到　一　生　最　後　ê　khiā　家。