《CTT出頭天園地》

 | | | 轉寄

Isap 寓言 8

作者 TLH 2007.04.08

8. Ìⁿ'á kap Chiáu'á

　Che hoatseng tī chi̍tê chngkha só͘chāi. Ū chi̍tê lâng tī chhânni̍h chòsit, teh iā tōamôa ê chéngchí. Ū chi̍tchiah ìⁿ'á kap chin chē chiáu'á, tī chhânni̍h thiàulâi thiàukhì chhōe mi̍h chia̍h. Ìⁿ'á kóng, “Ài chùì hitê lâng.” Kîtha ê chiáu'á mn̄g, “Ūi símmi̍h? I teh chhòng símmi̍h leh?” Ìⁿ'á kóng, “I teh iā tōamôa ê chéngchí. Tāike ài chimchiok kā só͘ū ê chéngchí lóng khioh khílâi chia̍h hō͘ chhengkhì; nā bô lín ē hiōhóe.” Kîtha ê chiáu'á kinpún to bô teh kā thiaⁿ.

　Kòe bô jōakú, tōamôa chéngchí tī thô͘ni̍h puhíⁿ, chhiūchai bānbān'á tōachâng sêngse̍k lah. Hō͘ lâng kā the̍hlâi pīⁿ chò môasoh, chhiah chò bāng'á. Chinchē chiáu'á lóng hō͘ chiaê bāng'á bāng tio̍h.

　Ìⁿ'á kóng, “Góa kiám m̄ sī láuchá chiū kóngkòe?” Sī beh khah kutla̍t leh, kā choânpō͘ ê chéngchí siaubia̍t; á sī beh khǹg leh hō͘ puhíⁿ, sêngtióng,tōachâng, lâi hāisí kakī?