《CTT出頭天園地》

 | | | 轉寄

Isap 寓言 15

作者 TLH 2007.05.27

15. Sai ê Chútiuⁿ

Ū chi̍tji̍t, sai, hô͘lî, chhâlông kap iálông chòtīn khì phahla̍h. In tī chháuiûⁿ téngbīn cháuchông kuiji̍t, chiah lia̍h tio̍h chi̍tchiah lo̍k'á. In kā lo̍k'á thâisí liáuāu, būntôe tio̍h lâi lah. Chit chiah lo̍k'á ài ánchóaⁿ pun chiah ē kongpêⁿ?

Sai tōasiaⁿ hoah kóng, i beh ti̍h choânpō͘ ê sìhūnchiit. In chiū kā hitchiah lo̍k'á thiah chò sìtè. Sai kiâⁿkòekhì khiā tī lo̍k'ábah thâuchêng beh chò chhâiphòaⁿ.

I kóng, “Tē itê sìhūnchiit ài sàng hō͘ Pahsiùchiông; tē jīê sìhūnchiit ài hō͘ chò chhâiphòaⁿê; tē saⁿtè sī góa ê, inūi góa chhamka chitpái ê phahla̍h; bóe'á chittè, góa siūⁿ beh khòaⁿ lín símmi̍h lâng káⁿ kā the̍h khì chia̍h!”

“Hn̍gh!” hô͘lî chin putboán kiâⁿ līkhui. Ná kiâⁿ ná se̍hse̍hliām, “Goán goānì kap lí chòtīn phahpiàⁿ, m̄ kú lí bô èngkai kakī hiángsiū sêngkó.”