《耶穌言行錄》

| | | 轉寄

Tē 17chiuⁿ,Chúi pìⁿ chiú

作者 Ko Kimseng. 2008.08.03

（Iokhān 2：111）
Kè saⁿ ji̍t，Iâso͘ chiū khì Kalīlī ê Kaná siâⁿ，tī hia ū lâng chhōa sinniû.Iâso͘ kap lāubú chham ha̍kseng lóng hō͘ i chhiáⁿ，ia̍h ū chōechōe lângkheh.Chiú chi̍tē chia̍h liáu，Iâso͘ ê lāubú kā Iâso͘ kóng，"In bô chiú lah. "Iâso͘ chai i ài chiphòe Siōngtè ê koânlêng，chiū kóng，"Lāubú ah，góa kap lí símmi̍h kansia̍p？"I ê lāubú kā lô͘po̍k kóng，"Iâso͘ nā hoanhú lín xhoe3 símmi̍h，tio̍h thàn. "

Tī hit só͘chāi ū la̍k ê chio̍hàng，ta̍k ê ōe tóetit chio̍hgōa ê chúi，Iâso͘ kóng，"Àng ta̍k ê tio̍h ēng chúi hō͘ i móa. "In chiū hō͘ i móa kàu lîm chhutlâi.Iâso͘ koh kóng，"Tio̍h iúⁿ phâng khì hō͘ pāntoh ê lâng. "In chiū iúⁿ phâng khì，chúi íkeng pìⁿ chòe chiú.Pāntoh lim chhìkhòaⁿ，chiū kiò sinkiáⁿsài kóng，"Lâng éng sī tāiseng ēng hóchiú chhiáⁿ lângkheh，āulâi ēng khah po̍h ê，lí hoántńg hóchiú siu kàu chittia̍p. "Chit ê sī Iâso͘ khìthâu kiâⁿ ê sînjiah tī Kalīlī ê Kaná.

Kūiok ia̍h ū kìchài kiâⁿ sînjiah ê tāichì；chhinchhiūⁿ Mô͘se ū hō͘ chúi pìⁿchòe huih；hō͘ khó͘ ê chúi pìⁿchòe tiⁿ，phah chio̍hpôaⁿ hō͘ chúi alu5 chhutlâi；koh kiâⁿ kúinā hō ê sînjiah，chóngsī in só͘ kiâⁿ bô kap Iâso͘ saⁿtâng.In tio̍h thènghāu Siōngtè kah in kiâⁿ，ia̍h tio̍h óakhò Siōngtè ê koânlêng chiah ōe.Iâso͘ m̄ sī ánni，sī kakī ū koânlêng ōe chòe，inūi I pún sī Siōngtè.

思羅安台語點字網站