《耶穌言行錄》

| | | 轉寄

Tē 20chiuⁿ,Iokhān koaiⁿkaⁿ

作者 Ko Kimseng. 2008.08.24

（Máthài 14：15；Mákhó 6：17，18； Lō͘ka 3：19，20）
Bô jōa ku2kiann5 sóelé ê Iokhān hō͘ Hilu̍t lia̍h khì koaiⁿkaⁿ.Chit ê Hilu̍t sī koán Kalīlī ê jînkun.Mákhó kio i chòe ông；Máthài，Lō͘ka kio I chòe hunhong ê kokkun.Khòaⁿ gōachheh chiū chai i koh ū mia5kio3 Anthêphàⁿ，koh ū hiaⁿtī cha̍psó͘lâng，tiongkan Sèngchheh ū koh kìchài nn̄g lang ê miâ nātiāⁿ，chiūsī Aliló kap Huile̍k. Chá hit ê thâisí Peklīhêng ê eⁿ'á ê Hilu̍t sī in ê lāupē.Khósioh kiáⁿ chōechōe o̍h in ê lāupē ê pháiⁿ，chânjím，koh loānlûn，chhinchhiūⁿ Huile̍k chhōa ti̍tlú miâ Satlôbí chòe bó͘.Āulâi chi̍tê siótī Anthêphàⁿ lî kakī ê hūjînlâng，íniú hiaⁿsó Hilotí pàngsak tiōnghu，Anthêphàⁿ chiū chiapla̍p i chòe kakī ê bó͘.Chit ê tāichì hō͘ Iokhān tōatōa chekpī，ônghō͘ nn̄g lâng tōa siūkhì，lia̍h Iokhān；Hilôtí ài thâi i，Hilu̍t hit tia̍p m̄ káⁿ，chiū lâu tī kaⁿ nih nātiāⁿ.

Che sī hō͘ lán chai lâng ê simsèng pháiⁿ，kiaungpu7，m̄ ài siū lâng ê khó͘khǹg chekpī.Siôngsiông khòaⁿ lâng kiâⁿ m̄ tio̍h，hō͘ bo̍ksu á sī hiaⁿtī lâi chekpī，liâmpiⁿ bô hoaⁿhí，siūkhì m̄ thiaⁿ i.Che lóngsī m̄ tio̍h，lan2lang5 engkai tio̍h ū khiamsùn ê sim，hoaⁿhí thiaⁿ lâng ê khó͘khǹg，chhinchhiūⁿ Só͘lôbûn kóng，"M̄ ti̍h kàsī ê lâng，sī khòaⁿkhin kakī ê sìⁿmiā；nāsī thiaⁿsiu khó͘khǹg tekkhak tit tio̍h chhangmiâ. "

思羅安台語點字網站