《耶穌言行錄》

| | | 轉寄

Tē 26chiuⁿ,Táⁿtia̍p jia̍tpīⁿ ê，thàiko ê

作者 Ko Kimseng. 2008.10.05

（Máthài 8：14，1417；Mákhó 1：2945； Lō͘ka 4：3841，5：1216）
Iâso͘ tùi hōetn̂g chhutlâi，kap Ngákok，Iokhān khì Sebûn，Anteklia̍t ê chhù.Hit keng chhù ū chi̍t hāng iubūn ê tāichì.Sī Pítek ê tiūⁿḿ jia̍tpīⁿ，piànsin jia̍tkúnkún.Ha̍kseng khiàⁿkìⁿ i huah kankhó͘，chiū putchí khólîn i，liâmpiⁿ pò Iâso͘.Iâso͘ ji̍p i ê pang，khan i ê chhiú，jia̍t chiū thè，liâmpiⁿ chiàugoân，khìlâi ho̍ksāi tāike.

Iâso͘ hit tia̍p piàn kiâⁿ Kalīlī séng，thoân tōlí；ū sî kóaⁿ kúi，ū sî ipīⁿ；chinchōe lâng chiūkūn Iâso͘ lâi tit tio̍h I ê lînbín.

Ū chi̍t ê thàiko ê lâi，kūi tī Iâso͘ ê khaē，kiû kóng，"Chú nā khéng，tekkhak ōe hō͘ góa chhengkhì. "Hit ê tháiko ê sī chai Iâso͘ ū koân ōe ihó i，inūi sìn I sī Siōngtè ê Kiáⁿ；chóngsī m̄ chai Iâso͘ beh á m̄.Só͘í kóng，"Chú nā khéng，tekkhak ōe hō͘ góa chhengkhì. "Iâso͘ lînbín，chhiú bong i kóng，"Góa khéng，lí thang chhengkhì. "Hit ê lâng liâmpiⁿ hó.Iâso͘ kah i khì hō͘ chèsi giām，chiàu Mô͘se ê lē hiàn lémi̍h，chòe tit tio̍h chhengkhì ê kanchèng.

Tháiko ê pīⁿ thang pípheng chōe ê khoán.Lâng nā bē tit tio̍h siàchōe，bē hō͘ Sèng Sîn kámhòa，tī Siōngtè ê bīnchêng putchí ùòe，bōe tit tio̍h ji̍p thiankok.Lán nā ài sim chhengkhìsiùⁿ，tio̍h o̍h hit ê tháiko ê ê khoán，lâi chiūkūn Iâso͘；chóngsī m̄ sái gîngái Chú khéng á m̄ khéng，inūi Chú bat kóng，"Hoānnā chiūkūn góa ê lâng，góa m̄ pàngsak i. "

思羅安台語點字網站