《耶穌言行錄》

| | | 轉寄

Tē 55chiuⁿ,Pítek jīn Iâso͘ Chòe Siōngtè ê Kiáⁿ

作者 Ko Kimseng. 2009.04.26

（Máthài 16：1320；Mákhó 8：2730； Lō͘ka 9：1822）
Iâso͘ kàu Kaisatlīa Huili̍ppí ê só͘chāi，ū chi̍t ji̍t kap ha̍kseng the kóngōe，mn̄g in kóng，"Lâng kóng góa sī chīchūi？"Hākseng in kóng，"Ū lâng kóng lí sī kiâⁿ sóelé Iokhān；ū lâng kóng lí sī Ílīa；ū lâng kóng sī Iâlībí，á sī sianti ê chi̍tê chi̍tê. "Iâso͘ kóng，"Lín kóng góa sī chīchūi？"Sebûn Pítek in kóng，"Lí sī éngoa̍h Siōngtè ê Kiáⁿ Kitok. "

Iâso͘ kóng，"Sebûn Paiokná lí ū hokkhì，inūi chísī lí ê m̄ sī lâng，si7goa2 ê Thiⁿpē.Góa koh kā lí kóng，Lí sī Pítek；góa thebeh tī chit ê chio̍hpôaⁿ téng khí góa ê kàuhōe，imhú bōe iâⁿ i. "

Iâso͘ kiò Sebûn chòe "Paiokná，"isù sī Iokná ê kiáⁿ.Sebûn khíthâu lâi tè Iâso͘，hit sî Iâso͘ chiū lēnggōa hō i ê miâ Kihoat á sī Pítek.Kihoat sī Hipeklâi ê im，Pítek sī Hilia̍p ê im，ìsù saⁿtâng，chiūsī "Chio̍hthâu. "Iâso͘ hō͘ I chit ê miâ sī chhinchhiūⁿ tāiseng kóng，i āulâi tī kàuhōe lāi kiankò͘ ê khoánsit. Pítek pún bô ánni，kúinā pái hiánbêng khoàikhoài iôtāng，nāsī kàu lō͘bé Iâso͘ ê un hō͘ I chin kiankò͘，ná chhinchhiūⁿ chio̍hpôaⁿ chi̍tpoaⁿiūⁿ.Ánnisiⁿ chí nn̄g hāng ê ìsù，sī chhinchhiūⁿ kóng，"Iokná ê kiáⁿ Se bûn ah，lí tit tio̍h bat góa m̄ sī tùi kakī ê tìhūi，ia̍h m̄ sī tùi pa̍tlâng ê kàsī，sī tùi góa Thiⁿpē ê chísī；chit ê sī lí ê tōa hokkhì.Koh lí tú'á só͘ jīn góa ê tāichì，kap lí miâ chòe "chio̍h"sioha̍p；góa ê kàuhōe ê ōeki chiūsī chit ê chio̍hpôaⁿ，éngéng bōe chhiató húihoāi. "

Iâso͘ kóng "Chit ê chio̍hpôaⁿ"hit kù，kiámchhái sī chí Pítek tú'á só͘ jin ê tōlí，inūi hit hāng ê tōlí sī hokim ê kunpún；á kiámchhái Iâso͘ the kóngōe ê sî ū ēng chhiú kí kakī；nā ánni hit kù chiūsī chí I púnsin；chhinchhiūⁿ Iâso͘ chi̍t pái tī tiāntn̂g the kóng tōlí，chiū kóng，"Lín húihoāi chit ê tiān，góa saⁿji̍t koh khí. "Ū lâng khòaⁿ Iâso͘ hit pái kóng "Chit ê tiān"lâi chí I kakī，chiū phahsǹg chit pái kóng "Chit ê chio̍hpôaⁿ"ia̍h tekkhak sī chí I púnsin.Chí nn̄g hō ê kóeshe iàukín ê ìsù sī saⁿtâng.Iâso͘ ēng"chio̍hpôaⁿ"chí kakī sī putchí ha̍p.Sèngchheh chinchōe só͘chāi kiò Siōngtè chòe"chio̍hpôaⁿ"，ia̍h kúinā só͘chāi thang píphēng chòe chio̍h，inūi Iâso͘ hō͘ i lio̍h'á o̍h I púnsin hit hō ê khoánsit.Pa̍t ê sùtô͘ ia̍h sī ánni；chóngsī lâng lâi kóng Pítek chòe chio̍hpòaⁿ，hō͘ kàukōe khí tī ê téngbīn，sī ke̍k tōa chhògō͘.To̍kto̍k Iâso͘ Kitok ū chit hō ê koân；kàuhōe óakhò lâng tekkhak húihoāi；kàuhōe óakhò"Éngoa̍h Siōngtè ê Kiáⁿ Kitok"chiah ōe éngoán tīteh.

思羅安台語點字網站