《耶穌言行錄》

| | | 轉寄

Tē 65chiuⁿ,Chhiáⁿ lângkheh ê phìjū

作者 Ko Kimseng. 2009.07.05

（Lō͘ka 14：1624）
Ū chi̍t ji̍t，Iâso͘ tī Hoatlīsài lâng ê chhù，chē toh ê sî，siat phìjū kóng，"Ū lâng pān tōa iânsia̍h，chhiáⁿ chōechōe lângkheh；kàu chia̍h ê sî，chhe lô͘po̍k khì kā só͘ chhiáⁿ ê lângkheh kóng，"Tio̍h lâi，pah hāng mi̍h piān lah.

"Chènglâng chòe chi̍tê sî；chi̍t lâng kóng，"Góa ū bóe chhân，engkai tio̍h khì khòaⁿ，chhiáⁿ hō͘ góa sî. "Koh chi̍t lâng kóng，"Góa ū bóe gû gō͘ chiah，tio̍h khì chhìkhòaⁿ，chhiáⁿ hō͘ góa sî.

"Koh chi̍t lâng kóng，"Góa tú'á chhōa bó͘，chiah bōe titthang lâi. "Hit ê lô͘po̍k tòkhì kā i ê chúlâng kóng，Chúlâng siūkhì，hoanhù lô͘po̍k kóng，Tio̍h kínkín khì siâⁿnih ê tōakoe sióhāng chhōa sònghiong，phòasiùⁿ，páikha，chhiⁿmî ê lâng lâi.Lô͘po̍k kóng，Chú ah，chiàu lí só͘ hoanhù，taⁿ íkeng kiâⁿ，iáukú ū chhun ūi.Chúlâng koh hoanhù lô͘po̍k kóng，Tio̍h khì tōalō͘tèng，lîpapiⁿ，nā ū lâng tio̍h biánkióng i ji̍plâi，hō͘ góa ê chhù lângkheh móamóa.Góa kā lín kóng，Tāiseng só͘ chhiáⁿ ê lâng，bōe tit tio̍h chhìchia̍h góa ê iânsia̍h. "

Chúlâng sī chí Siōngtè，lô͘po̍k sī chí thoântō ê lâng.Iânsia̍h suibóng pīpān putchí hongsēng，nāsī lângkheh iáukú m̄ hō͘ I chhiáⁿ；ìsù sī kóng hokim ê tōlí tāiseng thoân Iûthài lâng，chóngsī in ngīsim m̄ chiapla̍p，só͘í chhe lô͘po̍k thoân tī pa̍t kok.Chit ê phìjū suijiân pún sī chí Iûthài lâng，ia̍h ōe chí ta̍k tāi thiaⁿ tōlí chōechōe lâng.Siôngsiông ū lâng m̄ ài chiapla̍p tōlí，ia̍h ēng sèchêng ê tāichì lâi thethok，tìkàu sitlo̍h tit tio̍h untián ê kihōe.Lâng nā chai chōe，ū khiampi ê sim，hit hō lâng suibóng sònghiong，iáukú Siōngtè hoaⁿhí ēng untián hō͘ i.Sèngchheh kóng，"Chhùita ê lâng tio̍h kàu chúipiⁿ，bô gûn ê lâng ia̍h thang lâi bóe chiú，bóe ni，bóe só͘ chia̍h ê mi̍h，m̄ sái kèchîⁿ. "Koh kóng，"Chhùita ê lâng tio̍h lâi；ài tit tio̍h oa̍hmiā ê chúi，thang pe̍hpe̍h tit tio̍h. "

思羅安台語點字網站