《耶穌言行錄》

| | | 轉寄

Tē 67chiuⁿ,Putgī koánke ê phìjū

作者 Ko Kimseng. 2009.07.19

（Lō͘ka 16：113）
Iâso͘ kāi I ê ha̍kseng kóng，"Hógia̍h lâng ū chi̍t ê koánke，hō͘ lâng tùi i ê chúlâng hiâm i，kóng sī phòahùi chúlâng ê châibu̍t.Chúlâng chiū kiò i lâi，kā i kóng，"Góa só͘ thiaⁿkìⁿ lí chit ê tāichì sī cháiⁿiūⁿ？Tio̍h kap góa chhengsiàu，lí bōetitthang iûgoân chòe koánke.

"Koánke chiū simlāi kakī siūⁿ kóng，"Chúlâng titbeh lut góa koánke ê thâulō͘，taⁿ góa tio̍h cháiⁿiūⁿ？Kia̍h tîthâu bô khùila̍t，kōaⁿ kachù iū kiànsiàu.Góa taⁿ siūⁿ ū pō͘ lah，sitlo̍h koánke ê thâulō͘，chiū ōe hō͘ lâng chiapla̍p tī in ê chhù. "I chiū kiò khiàm chúlâng ê chè—ê，chi̍tlâng chi̍tlâng kah i lâi，tùi hit ê thâuchi̍t ê kóng，"Lí khiàm góa ê chúlâng lōachōe？"Ìn kóng，"Chi̍tpah tháng ê iû. "Koánke chiū kā i kóng，"The̍h lí ê toaⁿ khì siá gō͘cha̍p. "Koh tùi chi̍t ê kóng，"Lí khiàm lōachōe？"Ìn kóng，"Chi̍tpah chio̍h ê be̍h. "Chiū kā i kóng，"The̍h lí ê toaⁿ khì siá poehcha̍p.

"Chúlâng khòaⁿkìⁿ putgī ê koánke só͘ kiâⁿ，chiū oló i ê kètì；inūi chit sèkan ê lâng pí kngbêng ê lâng khah ū kètì lâi pān in ê sū.Góa kā lín kóng，Lín tio̍h ēng putgī ê chîⁿchâi kiatkau hó ê pêngiú，tìkàu lín sòngsit ê sî ōe hō͘ I chiapla̍p tī kútn̂g ê chhù.Lâng tī siókhóa ê tāichì chīntiong，chiū tī tōa chat ê sū ia̍h chīntiong；tī siókhóa ê tāichì putgī，chiū tī tōa chat ê sū ia̍h putgī. "

Chit ê békù hō͘ lán chai Iâso͘ ēng chit hō ê phìjū，m̄ sī beh kàsī lán tio̍h o̍h hit ê koánke putgī ê só͘ kiâⁿ；to̍kto̍k kàsī lán tio̍h tāiseng pīpān āulâi ê tāichì.

Siōngtè sī chòe lán ê Chú，ēng chîⁿchâi châitiāu hō͘ lán， ìsù sī beh ēng lán chòe khìkū lâi līek lâng，kui êngkng tī chìsèng ê miâ.Lán nā chīntiong，m̄ nā sìn Iâso͘，koh o̍h I ê só͘ kiâⁿ，ho̍ksāi Siōngtè pangchān lâng，chit ê chiū thang kiò chòe chekchū chîⁿchâi tī thiⁿnih，á sī kiatkau hó ê pêngiú，āulâi thang chiapla̍p lán tī kútn̂g ê chhù.

思羅安台語點字網站