《耶穌言行錄》

| | | 轉寄

Tē 79chiuⁿ,Iâso͘ khiâ lû ji̍p siâⁿ，Kóaⁿ senglí lâng chhut tiān

作者 Ko Kimseng. 2009.10.11

（Máthài 21：122；Mákhó 11：19； Lō͘ka 19：2940；Iokhān 12：1219）
Iâso͘ chiūⁿ Iâlō͘satléng，kàu Pekhoatkî óa Kaná soaⁿ，chiū chhe nn̄g ê ha̍kseng kóng，"Lín khì chêngbīn ê hiuⁿchng，chiū ōe tú tio̍h lûbú pa̍k—teh，ū sòechiah lû saⁿkap tīteh，tio̍h tháu kā i khan lâi.Ū lâng kap lín piānpok，chiū tio̍h kóng，"Chú beh ēng i，"in tekkhak thàn lâi pàng i lâi.Ánni sī ènggiām sianti lâng ê ōe kóng，"Kā Sûn ê chabó͘kiáⁿ kóng，Lín ê ông kàu，unjiû khiâ lû，kap lû ê sòechiah，chiūsī lû'ákiáⁿ. ""Ha̍kseng sûisî khì，chiàu bēnglēng lâi kiâⁿ，khan lû kap lû'ákiáⁿ，chiong i ê saⁿ lok tī téngbīn，hû Iâso͘ chiūⁿkhì khiâ.Chènglâng ēng saⁿ pho͘ lō͘，ūê chhò chhiūki pho͘ tī lō͘—nih.Chêngāu chènglâng tōa siaⁿ kiò kóng，"Tāipi̍t ê hō͘è，bān hokkhì ah；thoktiōng Chú ê miâ lâi ê engkai tit tio̍h untián；tī téngbīn bān hokkhì. "

Iâso͘ ji̍p Iâlō͘satléng，khì tiānnih，sìkòe khòaⁿ chiah ê mi̍h；chiah chhutkhì kàu Pektāinî.Bîn'áchákhí koh khì tiāntn̂g，tī lō͘nih iau，khòaⁿkìⁿ bûhoakó chhiū，chiū óakūn i，nāsī bô só͘ tit tio̍h，kanta hio̍h nātiāⁿ；chiū kā chhiū kóng，"Lí ê kéchí éngéng bô koh kiat，"chhiū liâmpiⁿ ko͘tâ.

Iâso͘ ji̍p tiān kóaⁿ hit lāibin chòe senglí ê lâng；chhiató ōaⁿ chîⁿ—ê ê toh，kap bōe chíⁿ'á—ê ê í；m̄ chún tòa khìkū tùi tiānnih kè，chísī lâng kóng，"Sèngchheh kiám bô kìchài kóng，"Góa ê chhù sī chhengho͘ chòe chèng pehsìⁿ kîtó ê chhù？"lín hoántńg hō͘ i chòe chha̍tsiū. "

Iâso͘ chêng bat chi̍t pái kóaⁿ tiānlāi chòe senglí ê lâng，kàu chit pái sī tē jī pái.

Chhiⁿmî—ê，páikha—ê tī tiānnih chiūkūn Iâso͘，ihó i. Chèsitiúⁿ，tha̍kchheh lâng thiaⁿ I só͘ kóng，khòaⁿ I só͘ kiâⁿ，koh khòaⁿ sòekiáⁿ oló Iâso͘，chiū siⁿkhí oànhūn，kèbô͘ beh hāi I，nāsī m̄ káⁿ，inūi chènglâng kîkoài I ê tōlí.

Íkeng àm，Iâso͘ chhut siâⁿ.

Iâso͘ hit sî khiâ lû ji̍p Iâlō͘satléng，hiánbêng ông ê khoánsit；si̍tchāi m̄ sī ài kiû thébiān，miâsiaⁿ，iàukín sī beh ènggiām lóngchóng sianti só͘ chhàmgú ê tāichì.

Lūn I kàu tiān kiâⁿ giâmgiâm ê hoattō͘ lâi kóaⁿ chòe senglí ê lâng，koh ín Sèngchheh tāngtāng chekpī in，hām chit pái ū nn̄g pái.I kiâⁿ ánni，chiokkiàn I ū Siōngtè ê koân.

Koh tī lō͘nih ū chiùchó͘ bûhoakó chhiū，kàsī lán tio̍h sêngsi̍t ho̍ksāi Siōngtè lâi kiâⁿ hó，m̄ thang óakhò gōaphê ê hó khòaⁿ.

思羅安台語點字網站