《Kahui ê Tâi-bûn Phû-tô-hn̂g》

 | | | 轉寄

Góa ê gōamá

作者 Ko Kahui 2020.02.23

Góa ê gōamá chhutsì tī chòsit lâng tau, chū sèhàn tō khaisí tàu chòsit, khau chháu'á kap khan gû chia̍hchháu, inūi i sèhàn ê sî, chhùlāi chin sànchhiah, só͘í bô tha̍kchheh, ji̍tchí chin kankhó͘, m̄ koh inūi tàu chòsit hō͘I hùnliān kah chin kiankiông , ji̍tchí mā sī chitkang chitkang kòe! Amá kóng, i tī 18 hòe ê sî tō khì chò siókang；kōaⁿ thô͘chúi kā lâng khíchhù. Itsim tō sī beh thàn khah chē chîⁿê, hó thang tàu hōaⁿke, i kóng chò kah beh 24 hòe ê sî chiah bô chò, inūi hitchūn góa ê abú tī i ê pa̍któ͘ lāi, tit beh chhutsì ah! Góa ê abú sī tiónglú, i ū chi̍t ê siótī kap 2 ê siómōe.
Thiaⁿ gún gōamá kóng goán abú chū sèhàn tō sī háulâmsîn koh chiok ài tòelō͘ê, tō chhiuⁿ lâng leh kóngê "ài khàu koh ài tòelō͘".Ōe koh kóng tò tǹglâi, gōamá sī 24 hòe kè hō͘ gōakongê, kè bô gōakú tō ūsin, āulâi seⁿ gún bú'á, chhōa gín'á ê kòe têng mā ài chiok pakiatê. Amá koh kóng gōakong iahbōe kiathun chìnchêng tòa tī Bîlô, kiathun liáuāu chiah poaⁿlâi Kohiôngê, poaⁿlâi liáu tō khaisí chò senglí, bē tangtiáⁿ'á seⁿoe thang hó ûichhî sengoa̍h.
Góa hóngmn̄g ê sîchūn i tú'á hó beh khaisí bôêng, m̄ koh Amá chiok thiàⁿgóa ê, māsī chiapsiu góa ê hóngmn̄g, góa kámkak gún gōamá sī chi̍t ê ū tòngthâu , giámngē koh kutla̍t ê lúsèng!









*刊tī台文罔報NO.306(2019/9月)