《Kahui ê Tâi-bûn Phû-tô-hn̂g》

 | | | 轉寄

薄緣（Po̍hiân）

作者 Ko Kahui 2022.02.27

In Apah peh khì lâuténg kiò i chia̍hpn̄g, i lóng m̄ goānì lo̍hlâi, tō tùi i kóng:”Lí nāsī m̄ goān chia̍h tō soahah, khóchhì kā góa o͘pe̍h khó, khó tio̍h chit keng nōa ha̍khāu!!”Atek chūchiông khó tio̍h tiàuchhiabóe ê ha̍khāu tō itti̍t chiâⁿ chūpi, siūⁿkóng in Apah kā i iōngsim chaipôe, kiatkó sī pìⁿ kah ánne siⁿ。
Tōsī inūi Apah kóng chit khóaⁿ ōe, hāi i pōngkhì, tō ùi 8 lāu ê thang'á mn̂g thiàu lo̍hlâi chūsat. In pahā khòaⁿ chi̍t ê lóng gāngkhì, kóaⁿkín cháukhì 1 lâu koh kiò kiùhō͘chhia beh kā sangkhì pēⁿīⁿ. M̄ koh，íkeng bōehùah! Cháu lo̍hlâi ê sî，i chhun chit kháu khùi，kā apah kóng，Apah chin pháiⁿsè, góa bô lō͘iōng, liânāu lâng tō cháuah!
I ê apah chiok kankhó͘, khoài katī sī'ánchóaⁿ tùi hāuseⁿ kóng chhut chit khóaⁿ ōe, chitmá hiōhóe mā bōehùah! Tō tī hitkang ê àmmî, in Apah bôhoattō͘ chiapsiū i ê kiáⁿ khì chò sian ê tāichì, koh ka siōng i m̄ chaiiáⁿ goânpún ū simchōng ê chèngthâu, siūⁿchit ê gêngsim, i mā sûi chhoahkhìlâi, kap i ê hāuseⁿ chòhóe cháu. Bóe'á i ê bó͘ tī hiah kháu kah ba̍ksái lâu ba̍ksái tih, i bôtaôa ê sim siáⁿlângē tàng théhōe, katī ê hāuseⁿ kap angsài lóng bôkhìah, chhun i chi̍t ê lâng tī hiah kankhó͘, hit chióng sī bôhoattō͘ kóng chhutchhùi ê thiàⁿ, che sī jōanīā po̍h ê iânhūn.

Hànlô pán In 阿爸 peh去 lâuténg 叫伊食飯，伊lóng m̄ 願意lo̍hlâi，就對伊講：「你若是毋願食就煞ah，考試kā我 o͘pe̍h考，考著這間爛學校！！」阿德chūchiông考著tiàuchhiabóe ê 學校就一直誠自卑，想講 in 阿爸 kā伊用心栽培，結果是變kah ánne siⁿ。
就是因為阿爸講這款話，害伊pōngkhì，就ùi 8樓的窗仔門跳lo̍hlâi 自殺。 In 爸仔看一 ê lóng gāng去，趕緊走去1 樓koh叫救護車 beh 共送去病院。 M̄ koh，已經 bōehùah！走lo̍hlâi ê sî，伊chhun一口氣，kā 阿爸講，阿爸真歹勢，我無路用，然後人就走ah！
伊ê阿爸 chiok 艱苦，怪家己sī'ánchóaⁿ 對伊ê後生會講出這款話，這馬後悔嘛bōehùah！ 就tī彼工ê暗暝，in 阿爸無法度接受伊ê kiáⁿ去做仙ê代誌，koh 加上伊m̄ chaiiáⁿ 原本有心臟 ê chèngthâu，想一ê gêngsim，伊嘛隨chhoahkhìlâi，佮伊ê後生做伙走。 Bóe'á 伊 ê 某 tī hiah 哭kah ba̍ksái 流ba̍ksái tih，伊bôtaôa ê 心啥人會當體會，家己ê後生佮翁婿 lóng 無去ah，chhun 伊 一ê人tī hiah 艱苦，彼種是無法度講出喙ê疼，這是偌爾ā薄ê緣份。