《Kahui ê Tâi-bûn Phû-tô-hn̂g》 |
 |
 |
|
 轉寄 |
成大台語認證
作者 Ko Kahui 2021.09.26
Nāsī kóng tio̍h Sêngtāi jīnchèng, góa tō siūⁿ tio̍h chúnpī ê kòetêng kap sng kam khó͘ tiⁿ.
Sī'ánchóaⁿ kóngneh? Inūi tongchho͘ teh o̍h Tâigí Lômájī, góa ê lāusu kā góa kóng góa ê thêngtō ū kihōe khókòe, hāi góa hoaⁿhí ka̍h! Kiatkó tē it kài khóchhutlâi bô kòe, tùi katī sī chiok sitbōngê.
M̄ koh lāusu kó͘lē góa kèsio̍k piàⁿlòe. Chóngsǹg tī tē 2 tang ê sî hō͘ góa khókòe tiongko kip, koh khì Pîntong khó chioân kàusu, si̍tchāi sī putchí'á khímo͘giang. Chò 2、3 tang ê Tâigí lāusu liáu, góa koh kèsio̍k piàⁿ Sêngtāi jīnchèng, bo̍kpiau sī khó tio̍h kokip, suibóng góa tē 2 kài chiah khó tio̍h, m̄ koh tùi góa lâi kóng sī chi̍t kiāⁿ tōa hísūah!
Inūi góa tī 30 hòe chìnchêng ta̍tsêng góa jînseng ê simgoān chi it. Ūkàu thiòng, góa kā ha̍kseng chèngbêng lāusu bô teh nńgê! Góa ē koh kèsio̍k siáchhut chiok chē Tâibûn, lâi thn̂gthòaⁿ Búgí!
漢羅版 若是講著成大台語認證，我就想著準備 ê 過程 kap 酸甘苦甜。 Sī'ánchóaⁿ kóngneh? 因為當初 teh 學台語羅馬字，我 ê 老師 kā 我講我 ê 程度有機會考過，害我歡喜ka̍h! 結果第一改考出來無過，對家己是足失望ê。
M̄ koh 老師鼓勵我繼續piàⁿlòe。總算第2 冬ê時hō͘ 我考過中高級，koh 去屏東考支援教師，實在不只仔 khímo͘giang。
做2、3 冬 ê 台語老師了，我koh 繼續piàⁿ 成大認證，目標是考著高級，suibóng 我第2 改chiah 考著， m̄ koh 對我來講是chi̍t 件大喜事ah!
因為我tī 30 歲進前程達成我人生ê 心願之一。有夠 thiòng，我kā 學生證明老師無 bô teh nńgê! 我會koh 繼續寫出 chiok chē 台文，來 thn̂gthòaⁿ 母語!
