《台語家庭》

 | | | 轉寄

愛哭青kap Hô͘lin豆chiaⁿ ê故事(64)

作者 Teng Hongtin 2006.03.05

Àikhàuchheng kap Hô͘lintāuchiaⁿ ê kò͘sū
愛哭青kap Hô͘lin豆chiaⁿ ê故事(64)

「Nah ē koh teh哭？青青，你mài哭lah，我變魔術hō͘你看好無？」Hô͘lin豆chiaⁿ siōng驚gín'á háu，i kap ia̍h'á開始冤家，i怪ia̍h'á講話siuⁿ坦白，i講青青chiah 5歲，gín'á無愛食飯是sù常ê代誌，ia̍h'á chiok siūⁿ氣，i chhiu ná kńg ná罵講：

「你實在是chiok無原則ê hô͘lin豆neh，túchiah，是toh chi̍t ngoeh hô͘lin豆teh唱哭調á？是你叫我kā青青講êneh。I ê mama無ài ti̍hia，講beh kā i送hō͘你飼，你kám m̄知？」
Ia̍h'á氣chi̍t下，oa̍t頭m̄ chhapin，做i飛走。

Hô͘lin豆chiaⁿ chi̍t聽tio̍h青青beh送hō͘i， i看tio̍h愛哭ê青青，koh想起i kā hô͘lin豆tàn落去pùnsò桶ê代誌，心肝頭驚kah m̄知beh ánchóaⁿ chiah好，mā坐tiàm青青邊'á ê稻草頂哭起來。

* * * * * *

時間過liáu chiâⁿ慢，燒huthut ê日頭chiò落hô͘lin豆田，mā chiò tī青青kap Hô͘lin豆chiaⁿ ê腹肚，in兩個哭kah睏去a。天頂有1片 chhan像Hô͘lin豆chiaⁿ ê雲飄過去。

Hiônghiông，有chi̍t個聲音jú來jú大聲，jú來jú明顯：
「Kulu！Kulu！Kulu！」到底是siáⁿmi̍h聲leh？Ah！原來是青青kap Hô͘lin豆chiaⁿ ê腹肚teh講話。

「Hô͘lin豆chiaⁿ，我腹肚chiok thiàⁿêlah！」青青chi̍t醒來，to̍h kā腹肚phóngleh，koh開始háua。Hô͘lin豆chiaⁿ看i ánne，心內tio̍h驚，問講：「是ánchóaⁿ nah ē腹肚thiàⁿ？」

「青青腹肚iaulah！」青青ná講目sái ná lìn落來，Hô͘lin豆chiaⁿ起愛笑，原來是腹肚iau，害i緊張kah。

「我有hô͘lin豆ngoeh，chhiⁿgènggèng，chhiⁿ食mā chiâⁿ好食，我lóng是食che大漢êo͘。」青青看tio̍h chhiⁿgènggèng ê hô͘lin豆ngoeh，sûi kā嘴唇am起來，i siōng驚chhiⁿ色ê菜。

「Mài ánnelah！我無騙你，che chiâⁿ好食，內面有魔法o͘。」

「魔法？食liáu kám ē變做小魔女？」

本來Hô͘lin豆chiaⁿ是chhìnchhái講講ê，chitmá，i只好kā i chhàutōaⁿ ê本léng展出來。

(這篇文章 iáubōe soah,後禮拜歡迎繼續收看。)