《台語kah魔術》

 | | | 轉寄

0308婦女節

作者 蘇晏德 2023.03.05

婦女節(台語文) Hūlúcheh

三月初八婦女節 Saⁿgoe̍h chhepeh Hūlúcheh
婦女雙手上美麗 Hūlú siangchhiú siōng bílē
啥物空課伊攏會 Siáⁿmih khangkhòe i lóng ē
你是阮的天佮地 Lí sī goán ê thiⁿ kah tē

婦女雙手捒搖笱 Hūlú siangchhiú sak iôkô
共咱細囝當作寶 Kā lán sèkiáⁿ tòngchò pó
你的恩情像江河 Lí ê unchêng chhiūⁿ kanghô
會當予囝通倚靠 Ē tàng hō͘ kiáⁿ thang óakhò

細囝生長靠婦女 Sèkiáⁿ sengtióng khò hūlú
婦女功能真特殊 Hūlú konglêng chin te̍ksû
教囝道理像老師 Kà kiáⁿ tōlí chhiūⁿ lāusu
教咱做人佮做事 Kà lán chòlâng kah chòsū

男人成功婦女助 Lâmjîn sêngkong hūlú chō͘
婦女角色足辛苦 Hūlú kaksek chiok sinkhó͘
教囝踏出第一步 Kà kiáⁿ ta̍hchhut tē it pō͘
予咱美好的前途 Hō͘ lán bíhó ê chiântô͘