《台語kah魔術》

 | | | 轉寄

228 ê台灣

作者 蘇晏德 2023.03.12

228 ê台灣(台語文) 228 ê Tâioân(Tâigíbûn)


一九四七二二八Itkiúsùchhit jījīpat
國民黨軍大屠殺Kokbîn tóngkun tōatoósat
受難家屬真毋值Siūlān kasio̍k chin m̄ ta̍t
悲慘歷史咱愛捌Pichhám le̍ksú lán ài bat

一九四七二二八Itkiúsùchhit jījīpat
軍隊共咱當做賊Kuntūi kā lán tòngchò chha̍t
手予鐵線來拍結Chhiú hoō thihsòaⁿ lâi phahkat
無地伸冤受銃殺Bôtè sinoan siū chhèngsat

一九四七二二八Itkiúsùchhit jījīpat
國民政府無站節Kokbîn chènghú bô chāmchat
軍隊攑銃來恐嚇Kuntūi gia̍hchhèng lâi khiónghat
看你袂順著開殺Khòaⁿ lí bē sūn tio̍h khaisat

一九四七二二八Itkiúsùchhit jījīpat
人民反抗無氣力Jînbîn hoánkhòng bô khùila̍t
政府冷血像墨賊Chènghú lénghiat chhiūⁿ ba̍kcha̍t
死者冤魂罩密密Síchiá oanhûn tà ba̍tba̍t