《台語kah魔術》

 | | | 轉寄

0903軍人節

作者 蘇晏德 2023.09.03

軍人節(台語文) Kunjîncheh

九月初三軍人節 Káugoe̍h chhesaⁿ Kunjîncheh
軍人訓練足嚴格 Kunjîn hùnliān chiok giâmkeh
文武雙全逐項會 Bûnbú siangchoân ta̍khāng ē
規年辛苦愛鼓勵 Kuinî sinkhó͘ ài kó͘lē

戰爭軍人上前線 Chiàncheng kunjîn chiūⁿ chêngsòaⁿ
予咱倚靠敢若山 Hō͘ lán óakhò kánná soaⁿ
In做盾牌擋砲彈 In chò tūnpâi tòng phàupôaⁿ
功勞實在有夠大 Konglô si̍tchāi ūkàu tōa

軍人訓練愛精良 Kunjîn hùnliān ài chengliông
接受命令愛服從 Chiapsiū bēnglēng ài ho̍kchiông
聽著號令趕緊衝 Thiaⁿ tio̍h hōlēng kóaⁿkín chhiong
In是國家的英雄 In sī kokka ê enghiông

保國衛民靠軍人 Pókok ūibîn khò kunjîn
為著國家來獻身 Ūi tio̍h kokka lâi hiànsin
處理代誌愛頂真 Chhúlí tāichì ài téngchin
完成任務愛趕緊 Oânsêng jīmbū ài kóaⁿkín