《主編e5話》

 | | | 轉寄

恭喜 「日本台灣語推進協會」成立

作者 Chuniok 2007.09.16

請看值得咱台灣人覺醒ê
日本台灣語推進協會 成立宣言

台灣人就是講Holo話(所謂「台語」)、Hakka話(所謂「客語」)以及台灣原住民語言ê ta̍k族群tī台灣，經過日本統治及228台灣人大屠殺共同歷史，所成立ê民族。

台灣m̄ bat hō͘「中華民國」合法歸入。Koh hō͘ hit號tùi中國hông趕走來台灣了家己iáu號做「中華民國」ê外來獨裁政府用軍事統治ê方式非法統治半世紀。

中國人作為統治者，透過獨裁權力以及tùi台灣人偷the̍h ê資源ê分配，禁止台灣人ê語言，就是台語tī嘴裡及書面ê使用，hō͘人看bē起台語。同時強制台灣人使用中國話。這是為tio̍h beh破壞台灣文化及台灣人ê自我認同，beh hō͘台灣人永遠做中國人忠實ê 奴隸。

台灣經過民主化了ê今á日，若無恢復台灣精神，無可能有國家正常化。 總是，受tio̍h中國人洗腦，特定世代ê台灣人中間，抱tio̍h「講中國話khah斯文」chit款錯誤形象，亦是對Holo話有根本無需要ê反感ê人bē少。

Tī chia,阮團結來要求照下面ê原則來行動。
一，Kap台灣人交流，chhōa頭學講台語。避免中國話ê介入。
二，鼓勵台灣ta̍k族群互相尊重、學習家己kap對方ê語言。咱家己mā努力去學kohkhah chē種ê台語。
三，強力koh耐心要求台灣領導者，以及所有台灣人講台語，徹底對抗hit號 奴隸ê象徵語言─中國話。

２００７年９月８日
日本台灣語推進協會
聯絡：日本台灣語推進協會秘書處
解說: 9月8日大約30個日本人以及台灣人tī日本成立「日本台灣語推進協會」, 所發表的宣言。