《母語e5心靈雞湯》

 | | | 轉寄

Niû Kámchêng...量感情

作者 Li KhinhoaN 2006.04.23

listen

SARS五之一
Chìnji̍p kongkiōng tiûⁿsó͘
進出公共場所
sengniû hīⁿun
先量耳溫
chhiaukè 37tō͘poàn, tio̍h sǹg
超過37度半，tio̍h 算
Siuⁿkè jia̍tchêng
siuⁿ過熱情
Ài kehlī! Kiôngchè kehlī!
Ài隔離! 強制隔離！
Chithō liûhêngpēⁿ ê sîtâi
這號流行病ê 時代
lâng kap lâng chikan
人kap人之間
Chhiáⁿ póchhî ittēng ê kūlī.
請保持一定ê距離
Pībián kīn kūlī ê chiapchhio̍k
避免近距離接觸
Bē sái siūⁿ jia̍tchêng
Bē使siuⁿ熱情
Kámchêng nā bô pàng léngtām
感情若無放冷淡
Kiatkó, ē chin siong kámchêng.
結果，會真傷感情。

Chìnchhut Tiongkok
進出中國
seng niû kámchêng
先量感情
Ēng SARS niû lí ê kámchêng
用SARS 量你ê 感情
Bô póchhî sektòng kūlī
無保持適當距離
bô seng tī Tâioân khiāke kehlī
無先tī台灣khiā家隔離
Kámchêng siuⁿkè hó
感情siuⁿ過好
kiatkó, ē chiok siong kámchêng.
結果，會足傷感情。

Chitpái sísîn ēng untō͘kè
這pái死神用溫度計
niû lâng kap lâng ê kámchêng
量人kap 人ê 感情
niû kok kap kok ê kámchêng
量國kap 國ê 感情
Ēng Tiongkok chò tiongsim
用中國做中心
Niû kámchêng.
量感情。

Choanka thêchhut hôngtī ê iàuléng:
專家提出防治ê 要領：
Tē it: niû hia̍hun, Tiongkokjia̍t kám ū thè?
第一：量額溫，中國熱kám有退？
Tē jī: kòa chhùiam, mài siuⁿchia̍p kóng Tiongkokōe!
第二：掛嘴am，mài siuⁿchiap講中國話！
Tē saⁿ: khîn séchhiú, Tiongkok bûnhòa ài sé hō͘ chhengkhì!
第三：勤洗手，中國文化ài洗hō͘清氣！
Untō͘ siókhóa khah koân, tio̍h ài kín
溫度小khóa 高，tio̍h ài 緊
Ēng Tâioân chò ke
用台灣做家
Khiāke kehlī.
Khiā家隔離。
2003/5/7 Harvard