《母語e5心靈雞湯》

 | | | 轉寄

Taba̍kiām ê Tīliâu...焦目炎 ê 治療

作者 Li KhinhoaN 2006.04.30

SARS五之二
Iseng chíntoān góa ê ba̍kchiu
醫生診斷我 ê 目chiu
Khiàmkhoat chèchō ba̍ksái ê konglêng
欠缺製造目屎 ê 功能
I khǹg mi̍hkiāⁿ ji̍pkhì ba̍kchiu
伊khǹg 物件入去目chiu
Hō͘ i tiamtiam
Hō͘伊 tiamtiam
chhìkek khòaⁿ ū hoattō͘ tih chi̍ttih bô
刺激看有法度滴一滴無
Kiatkó góa ê ba̍kchiu tiam kah beh khàu
結果我 ê目chiu tiam kah beh 哭
bô pòaⁿtih ba̍ksái
無半滴目屎

Chòekīn kò͘hiong SARS e̍kchêng thòaⁿkhui
最近故鄉 SARS疫情thòaⁿ開
Kò͘hiong bôtāi bôchì tàji̍pkhì o͘hûn
故鄉無代無誌罩入去烏雲
Pēⁿīⁿ hongīⁿ
病院封院
Hō͘sū kámjiám síbông
護士感染死亡
Iseng kámjiám pīⁿgûi
醫生感染病危
Chi̍tkeng pēⁿīⁿ thòaⁿkè chi̍tkeng
一間病院thòaⁿ過一間
Tiānsī sinbûn lóng so sípia̍t ê aithî
電視新聞攏是死別 ê 哀啼
Lóngsī chia tio̍h hia tio̍h ê khiónghong
攏是chia tio̍h hia tio̍h ê 恐慌
Kehlī ê jînsò͘ ta̍kji̍t chengka
隔離 ê人數逐日增加
Sísit ê jînsò͘ ta̍kji̍t to ū
死失 ê人數ta̍k日to都有

Góa ê ba̍ksái ùi sinbûnchúpò
我 ê 目屎 ùi 新聞主報
chhengsiù ê bīn lâu chhutlâi
清秀 ê 面流出來
Lâu kah ba̍kkiàⁿ chiâu bū
流kah 目鏡齊霧
lâu kah tiānsī ōebīn chhîchhî
流kah 電視畫面chhîchhî
lâu kah sinbûnchúpò
流kah 新聞主報
Chhengchhùi ê siaⁿ piàn àng
清脆ê 聲變 àng
Nââukńg tīⁿ khílâi
嚨喉管 tiⁿ起來

Hôpêng pēⁿīⁿ hongīⁿ 14kang
和平病院封院14工
Ta̍kji̍t góa tī tiānsīki thâuchêng
Ta̍k工我 tī電視機頭前
chò taba̍kia̍m ê bu̍tlí tīliâu.
做焦目炎 ê 物理治療

2003/5/7 Harvard