《母語e5心靈雞湯》

 | | | 轉寄

鬧熱ê春天

作者 Li KhinhoaN 2006.06.25

listen
Kôaⁿthiⁿ kā siaⁿim léngtòng khílâi
寒天kā聲音冷凍起來
Chhunthiⁿ kā siaⁿim the̍hchhutlâi káitòng
春天kā聲音提出來解凍
Pāngkiûtiûⁿ gín'á teh hoahhiu
棒球場囡á teh喝咻
Ângsek ê kiûsaⁿ kap nâsek ê kiûsaⁿ
紅色ê球衫kap藍色ê球衫
Písài chhiaiāⁿ
比賽chhiaiāⁿ
Phok'ásiaⁿ phiphiphokphok
Phok'á聲phiphiphokphok
Písài pē bú tùi in e thiàⁿ
比賽父母對 in ê 疼

Ô͘nih nn̄gchiah thiangô
湖裡兩隻天鵝
Tiáns…t phahchúi kiòchhut chi̍ttùi hoaⁿhí
展翅phah水叫出一對歡喜
Canada gô kuitīn tī ô͘piⁿ pâitūi
加拿大鵝kui陣tī湖岸排隊
Jiânāu chi̍tchiah chi̍tchiah phuthong poelo̍hchúi
然後一隻一隻phuthong phuthong飛落水
Liānsi̍p poe tńgkhì kò͘hiong ê lêngle̍k
練習飛轉去故鄉ê能力

Hôachûntūi liānsi̍p ê kháuhō
划船隊練習ê口號
Kap in ê chiúⁿ
Kap in ê 槳
Kap hôakè ê chúihûn
Kap 划過ê水痕
Pêngpêng hênghêng
平平行行
Pêngpêng phahtōng ô͘sim
平平拍動湖心

Pō͘tō chi̍tê sèhàn gín'á
步道一個細漢囡á
Khiâ saⁿliànchhia'á
騎三liàn車á
Tiâukò͘ì oanlâi oatkhì
刁故意彎來oat去
Hō͘ lāupē tòe kínkín
Hō͘老父tòe緊緊
Chhiòchhut chi̍tsiaⁿ chi̍tsiaⁿ ê kíntiuⁿ
笑出一聲聲ê緊張
Tùibīn ê khata̍hchhia chi̍tbīn kā giang
對面ê腳踏車一面kā giang
Chi̍tbīn chhiòkahkah kā chioho͘
一面笑kahkah kā招呼

Chhū tanlûnê ê chênglû
Chhū單輪鞋ê情侶
Êté chhūkè chúinîlō͘
鞋底滑過水泥路
Kúntōng ê chiatchàu
滾動ê節奏
Àichêng ê imga̍k
愛情ê音樂
Bú itchi̍tpoaⁿ se̍hkèkhì
舞一般旋過去
Sànpō͘ ê lâng
散步 ê人
Bānpháu ê lâng
慢跑ê人
Chi̍tê chi̍tê
一個一個
Chi̍ttùi chi̍ttùi
一對一對
Ta̍hchhut chhunthiⁿ ê khinkhoài
踏出春天ê輕快
Chhoánchhut chhunthiⁿ ê hoephang
喘出春天ê 花芳

Pō͘tō nn̄gpêng
步道兩旁
Sin puhchhutlâi ê le̍kíⁿ chhiⁿhio̍h
新puh出來ê綠íⁿ青葉
Sin puhchhutlâi ê pe̍hlúi ânghoe
新puh出來ê白蕾紅花
Tòng bē tiâu lah
擋bē tiâu lah
Tàutīn pàng ianhé
鬥陣放煙火
Kap chhiūténg ê chiáuchiah
Kap樹頂 ê鳥隻
Chòhé kiaptō hoanhō͘
做夥夾道歡呼
Hoangêng chhunthiⁿ ê konglîm.
歡迎春天ê 光臨
2003/5/14 Harvard