《母語e5心靈雞湯》

 | | | 轉寄

美加兩國論

作者 Li KhinhoaN 2006.12.24

觀Niagara 大瀑布有感10之六
Koan Niagara tōa pho̍kpò͘ iúkám 10siú chila̍k

原本是仝一條河流
Goânlâi sī kâng chi̍ttiâu hôliû
來到緊急ê 歷史關卡
lâikàu kínkip ê le̍ksú koankhà
咱開始爭執
lán khaisí chengchip
我beh 獨立
Góa beh to̍kli̍p
你m̄ 獨立
lí m̄ to̍kli̍p
你行東 我行西
lí kiâⁿ tang góa kiâⁿ sai
你形成一個美麗
Lí hêngsêng chi̍tê bílē
我形成另一個美麗
Góa hêngsêng lēnggōa chi̍tê bílē

大聲相嚷以後
Tōasiaⁿ siojióng íāu
一切隨koh 平靜落來
itchhè sûi koh pêngchēnglo̍hlâi
合做一個和諧ê 湖
ha̍p chò chi̍tê hôhâi ê ô͘

2003/5/16 New York 春遊
2003/5/16 New York chhuniû