《母語e5心靈雞湯》

 | | | 轉寄

裸女淋浴圖

作者 Li KhinhoaN 2007.01.14

listen







觀 Niagara 瀑布有感10之九
Koan Niagara tōa pho̍kpò͘ iúkám 10 chikáu

Tī 美國這旁
Tī Bikok chit pêng
你會tàng 看著
lí ē tàng khòaⁿ tio̍h
伊典雅 ê 側面
i tiánngá ê chhekbīn
伊美妙 ê 身材
i bíbiāu ê sinchâi

Ài beh 看伊
Ài beh khòaⁿ i
完全無pìsù ê 正面
oânchoân bô pìsù ê chiàⁿbīn
請你申請入境
Chhiáⁿ lí sinchhéng ji̍pkéng
過來另外一個國家
kèlâi lēnggōa chi̍tê kokka
加拿大
Canada

Ài beh koh 進一步接觸
Ài beh koh chìnchi̍tpō͘ chiapchhio̍k
請穿雨幔、坐汽船
chhiáⁿ chhēng hō͘moa, chē khìchûn
倚來伊ê 身軀邊
óalâi i ê sinpiⁿ
分享伊淋浴ê 喜樂
huhióng i lâme̍k ê hílo̍k
噴幾滴仔伊淋過ê
phùn kúitih'á i lâmkè
芳芳ê 洗身軀水
phangphang ê sésinkhuchúi

Ài beh 滿足偷窺慾
Ài beh móachiok thaukuiio̍k
請peh 起來觀察台
chhiàⁿ pehkhìlâi koanchhattâi
lok 一個銀角仔
lok chi̍tê gînkak'á
用tiàu鏡kā 你ài 看ê 部位
ēng tiàukiàⁿ kā lí ài khòaⁿ ê pō͘ūi
tiàu 來目睭前
tiàulâi ba̍kchiu chêng
免著驚
Bián tio̍hkiaⁿ
你看著ê 每一寸
lí khòaⁿ tio̍h ê múi chi̍tchhùn
攏是事實
lóngsī sūsi̍t
雖然súi kah ná像
Suijiân súi kah náchhiūⁿ
m̄ 是真ê
m̄ sī chinê

2003/5/20 Harvard