《母語e5心靈雞湯》

 | | | 轉寄

虹橋

作者 Li KhinhoaN 2007.01.21

listen








觀Niagara 大瀑布有感10之十
Koan Niagara tōa pho̍kpò͘ iúkám 10 chicha̍p

虹tī 世界愈來愈希罕
Khēng tī sèkài lú lâi lú hihán
Tī chia, 日夜看會著
Tī chia, ji̍tiā khòaⁿ ē tio̍h

小可日光chhiō著
Siókhóa ji̍tkng chhiō tio̍h
彩色ê 弓形就浮出
Chháisek ê kenghêng chiū phûchhut
夜光中， 虹ê 色彩拆分開
Iākngtiong, khēng ê sekchhái thiah hunkhui
輪流照出虹ê 七個面貌
Lûnliû chiòchhut khēng ê chhitê bīnmāu

虹ê 這頭是美國
Khēng ê chitthâu sī Bikok
虹ê 彼頭是加拿大
Khēng ê hitthâu sī Canada
虹做橋
Khēng chò kiô
連接二個國家ê 感情
Liânchiap nn̄gê kokka ê kámchêng
虹做國界
Khēng chò kokkài
全世界罕得看會著
Choân sèkài hántit khòaⁿ ē tio̍h

2003/5/20 Harvard