《母語e5心靈雞湯》

 | | | 轉寄

Tulip

作者 Li KhinhoaN 2007.02.18

listen


春天花展8之四
Chhunthiⁿ hoetián peh chi sì

我無ài人叫我鬱金香
Góa bô ài lâng kiò góa utkimhiong
我ài人叫我 tiulp
Góa ài lâng kiò góa tulip
我ê 身材sánthiu sánthiu
Góa ê sinchâi sánthiu sánthiu
我ê 姿勢亭亭玉立
Góa ê chusè thêngthêng gio̍kli̍p

我ê 色彩層次分明
Góa ê sekchhái chânchhù hunbêng
純白、淺黃、柑仔色、粉紅、烏tò͘紅、烏色
Chhiánpe̍h, chhiánn̂g, kam'ásek, húnâng, o͘tò͘âng, o͘sek
Tī 仝一個空間
Tī kângchi̍tê khongkan
做夥呈現
Chòhóe thênghiān

我花開ê 層次分明
Góa hoehhui ê chânchhù hunbêng
含蕾、小放、中放、大放、盛開
Hâmlûi, sióhòng, tionghòng, tōahòng, sēngkhui
Tī 仝一個時間
Tī kângchi̍tê sîkan
同時看會著
Tôngsî khòaⁿ ē tio̍h

你掠準看著足濟叢
Lí lia̍hchún khòaⁿ tio̍h chiok chē châng
其實是錯覺
Kîsi̍t sī chhòkak
我kanna 孤芳一支
Góa kanna ko͘hong chi̍tki
其他攏是分身
Kîtha lóng sī hunsin
無仝時間ê 分身
Bô kâng sîkan ê hunsin
無仝空間ê 分身
Bô kâng khongkan ê hunsin

請問，你敢有法度
Chhiáⁿ mn̄g, lí kám ū hoattō͘
Tī 紛紛鬧鬧ê 眾鬱金香中
Tī hunhun nāunā ê chèng utkimhiong tiong
Chhōe 出我ê 本尊
Chhōechhut góa ê púnchun
此時此地ê 我？
Chhús5 chhútē ê góa?
上súi ê 一支 Thiuli̍p?
Siōngsúi ê chi̍tki Thiuli̍p?

2003/5/22 Harvard