《母語e5心靈雞湯》

 | | | 轉寄

木蘭花

作者 Li KhinhoaN 2007.03.04

listen




春天花展8之六
Chhunthiⁿ hoetián 8 chila̍k

一蕊盛開ê 花
Chi̍tlúi sēngkhui ê hoe
一個展開ê 掌心
Chi̍tê tiánkhui ê chiángsim
厚實ê 手掌
Kāusi̍t ê chhiúchhiáng
豐滿ê 身材
Hongboán ê sinchâi
高大ê 體格
Kotōa ê thékeh
秀麗英挺ê 木蘭花
Siùlē engthéng ê bo̍klânhoe
花中ê 女英雄
Hoetiong ê lúenghiông
樹中ê 守衛神
Chhiūtiong ê siúōesîn

M̄ 免濟
M̄ bián chē
有一叢，校園tio̍h 叫做美麗
Ū chi̍tchâng, hāuhn̂g tio̍h kiò chò bílē
有一叢，規個都市春天滿滿是
Ū chi̍tchnag5, kuiê to͘chhī chhunthiⁿ móamóasī
有一叢滿樹純白ê 木蘭
Ū chi̍tchâng móachhiū sûnpe̍h ê bo̍klân
這個春天tio̍h 叫做無限
Chitê chhunthiⁿ tio̍h kiòchò bûhān
有一叢滿樹粉紅ê 木蘭
Ū chi̍tchâng móachhiū húnâng ê bo̍klân
這個春天tio̍h 叫做無憾
Chitê chhunthiⁿ tio̍h kiòchò bûhām

2003/5/23 Harvard