《歷史上ê主耶穌》

 | | | 轉寄

第十章_三 耶穌行出加利利

作者 杜英助 台譯：Lîm Chùnio̍k 2020.10.18

三、耶穌koh再離開加利利，前往泰爾（推羅）西頓趕鬼

因為久長以來耶穌tī祂傳道、醫病ê工作中，想beh hō͘人相信祂是tùi天父上帝差遣來ê，m̄ koh，真chē偤太人m̄信。有kóa人講：耶穌自稱祂是「上帝ê Κiáⁿ，是天父差遣我。」這是迷惑人ê話，to̍h想掠祂來kā祂殺害；koh有人講：耶穌tī安息日kā人治病，犯tio̍h安息日bē tàng工作ê誡命，應該受律法ê制裁。因為chit種原因kah爭議，耶穌to̍h暫時離開祂傳道、醫病kah趕鬼ê加利利地區，chhōa門徒往北方ê腓尼基（黎巴嫩）地中海ê海邊ê泰爾（推羅）kah西頓去；ē記得舊約時代，以利亞先知為tio̍h閃避以色列亞哈王kah耶洗別王后ê殺害，mā奉上帝ê指示來到泰爾、西頓，tòa tī一个撒勒法寡婦ê厝避難三年久（參考列王記上17：8～24）。

Chit pái耶穌chhōa門徒（祂ê老母馬利亞mā kah祂做伙去）去外邦，一面退修一面傳道，因為耶穌tī加利利tú出來傳道ê時名聲tháu，tùi泰爾、西頓chia to̍h有真chē人chhōa病人做伙來加利利聽道，而且受耶穌醫病；所以，當耶穌來到西頓ê時，to̍h有一个迦南婦人（chit位婦人是希臘人，屬敍利亞ê腓尼基族，m̄是偤太人）帶她ê信心來見主耶穌，靠她ê信心向祂祈求，講：「主ah，Tabi̍t ê kiáⁿ孫，可憐我！我ê chabó͘ kiáⁿ hō͘鬼附身，真艱苦。」當耶穌聽tio̍h她ê呼求，為tio̍h beh試探她ê信心，起初一句話都無回答。M̄ koh，她繼續真謙卑phak tī耶穌ê腳前，求耶穌tùi她ê chabó͘ kiáⁿ身chiūⁿ趕出hitê鬼。M̄ koh，耶穌卻回答她講：「我奉差遣kantaⁿ去以色列家失迷ê羊hia。」就ánne，hitê婦人koh跪tī耶穌面前，koh再三kā祂拜，講：「主ah，幫贊我！」M̄ koh，耶穌猶原koh再試她ê信心，講：「Hō͘ kiáⁿ兒先食飽，m̄ thang the̍h kiáⁿ兒ê餅tàn hō͘ 狗食。」耶穌對chit位婦人講ê chit句話，kā偤太人ê gín'á看做寶貝ê gín'á á kā她ê chabó͘ kiáⁿ比喻做無價值受重視ê小狗，kahná有一點輕視（有人會感覺是一種侮辱），m̄ koh，chit位婦人iáu有信心，她相信耶穌一定ē憐憫她ê chabó͘ kiáⁿ，來救她！就ánne，她心內koh khah謙卑承認她ê chabó͘ kiáⁿ to̍h是小狗，kā主回答講：「主ah，無m̄ tio̍h; m̄ koh，狗á mā ē tàng食in ê主人kala̍uh tī桌腳ê餅幼á。」當耶穌聽tio̍h chit位老母chit種回答，就ánne，對她講：「婦人，你ê信心真大，照你ê心願hō͘你得成。」Tùi hit時起，鬼已經出去à。當她tńg去厝裡ê時，她ê chabó͘ kiáⁿ已經倒tī床頂歇睏，好勢好勢！（馬太15：21～28、馬可7：24～30）

耶穌teh傳道ê時，迦百農羅馬兵ê百夫長kah迦南人ê婦女對耶穌ê信心hiahni̍h大，回頭koh再想看偤太人有看tio̍h神跡卻m̄肯悔改，莫怪耶穌對kakī ê偤太人同胞ē悲嘆責備in講：「Kola̍hsìn，你有災禍！伯賽大，你有災禍！因為我tī lín中間所行chiahê權能，若行tī 推羅 kah西頓，in早to̍h穿麻衫，sám火灰，坐teh來悔改。」（路加10：13、馬太11：21），迦百農有禍à！Lín若相信，mā bē致使被sak落去地獄。