《Lahjih寓言》

 | | | 轉寄

060 chhiám, 孔雀笑青苔á

作者 蕭平治, 漢羅Ruby版處理：Lîm Chùnio̍k 2021.02.21


khóngchhiok(孔 雀) tng.leh tián(展) khôesìⁿ(葵 扇) hoe(花) tián(展) súi， khòaⁿ(看) tio̍h chhiū(樹) á téng(頂) chhiū’oe(樹 椏) thiàu(跳) lâi(來) thiàu(跳) khì(去) ê chheⁿthî(青 苔) á，soah khí(起) ài chhiò(笑) ， chheⁿthî(青 苔) á mn̄g(問) i(牠) chiah hoaⁿhí(歡 喜) leh chhiò(笑) siáⁿmi̍h(啥 物) ？

「 khòaⁿ(看) lí(你) seⁿ(生) chò(做) chi̍t phíphí'á， mo͘chháu(毛 草) kanna chheⁿchheⁿ(青 青) itsek(一色) ，siōng ke(加) sī(是) ba̍k(目) chiu khongsûn ū(有) khah súi tāmpo̍h(淡 薄) á，chhun.ê ná kah góa(我) ē pí(比) . tit(得) ； lí(你) khòaⁿ(看) góa(我) ， gō͘hoe(五 花) cha̍psek(十 色) chháisek(彩 色) tōa’ i(大衣) ， nā(若) koh tiánkhui(展 開) khôesìⁿ(葵 扇) hoe(花) ，m̄ chai(知) beh siâⁿ gōa chē lâng(人) lâi(來) himsióng(欣 賞) .leh，ánne m̄ chiah hō(號) chò(做) tōa(大) pān koh bílē(美麗) 。」

「 ū’iáⁿ(有影) ， lí(你) tōa(大) pān koh bílē(美麗) ， khósioh(可 惜) bô(無) gâu poe(飛) ， háusiaⁿ(吼 聲) mā káu(狗) siaⁿ(聲) khitchia̍h(乞 食) âu(喉) ；ah nā(若) góa(我) .leh， koasiaⁿ(歌 聲) iùjī(幼膩) ， thiàu(跳) lâi(來) thiàu(跳) khì(去) ， o̍ahphoat(活 潑) chūchāi(自 在) ， bô(無) lâng(人) oló mā kāngkhóan(仝 款) hoaⁿhoaⁿ(歡 歡) híhí(喜喜) 。」

㊣ gū ‘ ì(愚意) ： pēbú(父母) seⁿsêng(生成) ，súi bái bē pí(比) . tit(得) ， chūsìn(自 信) siōng iàukín(要 緊) 。